ImSan: ‘No ta conoci un luga cu poblacion y facilidad medico manera Aruba’

Di parti di ImSan a duna di conoce e retonan cu tin pa locual ta trata trahado den departamento di salud publico. Tambe a comparti di algun desaroyo cu ta biniendo.

Director dokter Joel Rajnherc a bisa cu ta keda cu ImSan conhuntamente cu departamento di Salubridad Publico, departamento di Enseñanza, hospital, AZV y tur otro instancia y departamento cu cuido y specialista mester ‘hunta cabes y busca manera di profila’ con importante esey ta y ki beneficio nan tin.

Pa asina e hubentud por sigui e ramo di enseñanza y reconocimento. Rajnherc ta bisa cu no semper ta cuestion di placa, pero tambe pa stimula y mustra e generacion hoben kico e trabou ta nifica. “Esey ta algo cu ainda nos no ta stimula suficiente, pero tur hende tin cu traha hunto riba esey”, el a menciona.

Rajnherc a bisa cu locual falta ta algun update tecnico den e parti di edificio cu nan tin caba. Nan tin 12 camber cu 22 cama. ImSan ta un luga pa un ‘short stay’ caminda e persona por keda pa un tempo cortico.

E ta un complemento cu ta duna na Dr. Horacio Oduber Hospital, cu ta hospital na Aruba y mester ta orguyoso di tur e posibilidad cu por haci aden. “Mi no conoce un luga cu tin poblacion di 120.000 persona cu tanto facilidad medico manera nos tin na Aruba. Nos no mester lubida esey.”

Sinembargo e ta consciente cu ta keda retonan dificil cu ta pasando aden awo, pero ta kere un pida extra cu nan falta pa duna mas cuido y servicio na poblacion di Aruba pa locual ta trata pariba (ImSan).

Pa nan caba cu nan sala di ‘overnacht’ cu no ta costa nan placa. Esey ta bay amplia e posibilidad pa duna mas tratamento na Aruba. Un ehempel cu a menciona tabata e operacion di retina, cu semper ta bon pa pashent keda un anochi pa ricibi cuido y observacion prome cu mand’e cas.

E ta bisa cu esey ta keda un motivacion importante pa habri 2 of 3 camber mas lihe posibel, pa por duna henter e servicio di cuido di wowo na Aruba. Pero cu esey nan por tin mas ganashi y duna oportunidad di mas enfermero, secretario y mas recepcionista emplea cu por ofrece miho servicio.

Mirando e desaroyo cu ta tumando luga na San Nicolas, nan ta kere cu no por warda mucho mas riba esaki. Por bisa cu si bin hotelnan nobo acerca, lo bay tin mas hende na area y hende grandi. Pa es motibo tin necesidad, pasobra no por manda tur pa bay te pabou. “Mester tin tur posibilidad pa stabilisa e pashent bek pa su hotel of cuido mas intensivo. Esey ta cooperacion cu a lanta e dianan aki y no por warda mas.”