Descanso ta algo necesario. Pero tin biaha ta bira hopi dificil pa dedica un tempo na esaki, bibando den un bida hopi acelera, yen di responsabilidad y cu mil tarea pa haci, ta nifica cu no tin tempo liber ni sikiera den fin di siman.
Esaki tin como consecuencia cu curpa, mente y energia ta sufri. Un desconexion di bida cotidiano ta hopi necesario, pa motibo cu e mente ta descansa, e computer cu ta controla tur cos, ta haya asina tanto presion cu tin biaha ta keda sin energia, na unda stress y ansiedad ta bira compañero di bida.
Stress ta supone di bati e alarma general cu ta activa henter e curpa. E alarma aki ta cuminsa den mente, despues ta manda informacion pa e resto di e curpa a traves di hormona, pa señala cu mester di mas cortisol. Curason lo bati mas lihe, pa e pancreas produci menos insulina y asina por tin mas sucu den sanger y mas energia. Ademas di esaki, e sanger tin fluho via e musculonan, loke por provoca un mareo y sensacionnan straño den stoma.
Si e persona no ta stop, si ta mantene bou presion pa via di trabao, di un cantidad di responsabilidad, lo logra agota e mente y biba den ‘survival mode’ y den un estado imposibel di relahacion; asina cu mester laga e creatividad drenta.
Na momento cu un persona ta descansa, ora ta haya tempo pa su mes, pa re-conecta cu su mes, tambe por conecta miho cu otro hende y asina por establece relacionnan mas satisfactorio cu nan sernan keri, pa motibo cu ta relax.
Por ripara cu bida ta hopi mas cu trabou. Talbes por traha den algo cu ta yuda pa biba, pero e persona no ta gusta, y den e situacion ey por sinti cu kier scapa di trabou. Pero si ta biba den situacion contrario, ta gusta su trabou y ta gusta asina hopi cu ta inverti hopi ora den dje, aunke e sa cu mester descansa y desconecta, ta sinti cu no por para, pa motibo cu tur cos ta depende di e persona, pa via cu kier yuda mas, algo comprensibel.
Pero hende tin cu compronde cu tambe ta merece descansa y desconecta. Cuminsa haci esey 1 of 2 biaha pa siman, na unda no mag di pensa riba trabou, no mag di sinta dilanti di un computer, sali cana y bay lama, hala rosea cu aire fresco por yuda hopi.
