Oficina Central di Estadistica ta presenta e resultadonan principal di e cifranan di importacion y exportacion, cuarto kwartaal 2022.

Importacion total

Importacion total, den peso, a registra un caida di 19.9 mln kg (-11.7%) den di cuarto kwartaal di 2022 (150.7 mln. kg) compara cu e mesun periodo den 2021 (170.6 mln. kg); den balor, el a subi cu Afl. 174.5 mln. (28.1%) di Afl. 621.5 mln. pa Afl. 796.0 mln.

Importacion pa e area liber di Aruba* (peso)

Importacion pa e area liber di Aruba pa di cuarto kwartaal di 2022, den peso, a cay cu 21.1 mln. kg (-12.6%) di 168.3 mln. kg na 2021 pa 147.1 mln. kg na 2022.

Durante e periodo aki cinco (5) di e bintiun (21) seccion a registra caida den importacion den peso pa e area liber di Aruba. E caida den importacion pa e area liber di Aruba (peso) a wordo causa principalmente door di un caida di 32.1 mln. kg (-31.8%) den e seccion “Productonan mineral”.

E subida mas grandi a wordo registra den e seccion “Productonan alimenticio”, cu un subida di 2.1 mln. kg (11.3%).

Importacion pa e area liber di Aruba* (balor)

Importacion pa e area liber di Aruba pa di cuarto kwartaal di 2022, den balor, a subi cu Afl. 153.9 mln. (26.0%) di Afl. 590.8 mln. na 2021 pa Afl. 744.7 mln. na 2022.

Durante e periodo aki diesocho (18) di e bintiun seccionnan, a registra subida den importacion den balor pa e area liber di Aruba. E subida den importacion pa e area liber di Aruba (balor) a wordo causa principalmente door di subidanan di Afl. 32.1 mln. (45.0%) y Afl. 22.0 mln. (84.3%) den e seccionnan “Makinaria y ekiponan electronico (nobo y renoba)” y “Ekiponan di transporte”, respectivamente.

E caida mas grandi a wordo registra den e seccion “Productonan kimico” Afl. 3.1 mln. (-5.1%), respectivamente.

Importacion pa e area di Zona Franca di Aruba

Importacion pa e area di Zona Franca di Aruba, den peso, a registra un subida di 1.2 mln. kg (53.0%) den di cuarto kwartaal di 2022 (3.5 mln. kg) compara cu e mesun periodo den 2021 (2.3 mln. kg) y a wordo causa principalmente door di un subida di 1.2 mln. kg (52.0%) den e seccion “Productonan alimenticio”.

Den balor, importacion pa e area di Zona Franca di Aruba a subi cu Afl. 20.6 mln (67.1%) di Afl. 30.7 mln. pa Afl. 51.4 mln y a wordo causa principalmente door di un subida di 20.4 mln. kg (66.9%) den e seccion “Productonan alimenticio”.

E importacion (pa e area liber di Aruba) menciona anteriormente ta e resultado di Importacion via Lama y Importacion via Aire, cual tawata tin e siguiente desaroyonan:
1. Importacion pa e area liber di Aruba* via Lama
Importacion via di lama pa e area liber di Aruba, den peso, a registra un caida di 21.1 mln. kg (-12.6%) den di cuarto kwartaal di 2022 (146.3 mln. kg) compara cu e mesun periodo den 2021 (167.4 mln. kg) y a wordo causa principalmente door di un caida di 32.1 mln. kg (-31.8%) den e seccion “Productonan mineral”. Den balor, importacion via di lama pa e area di liber di Aruba a subi cu Afl. 145.7 mln. (30.5%) di Afl. 477.2 mln. pa Afl. 622.9 mln. y a wordo causa principalmente door di subida di Afl. 29.3 mln. (50.7%) y Afl. 21.8 mln. (87.1%) den e seccionnan “Makinaria y ekiponan electronico (nobo y renoba)” y “Ekiponan di transporte”, respectivamente.

2. Importacion pa e area liber di Aruba* via Aire Importacion via di aire pa e area liber di Aruba, den peso, a registra un caida di 0.02 mln. kg (-2.7%) den di cuarto kwartaal di 2022 (0.9 mln. kg) compara cu e mesun periodo den 2021 (0.9 mln. kg) y a wordo causa principalmente door di un caida di 0.04 mln. kg (-16.6%) den e seccion “Productonan vegetal”. Den balor, importacion via di aire pa e area di liber di Aruba a subi cu Afl. 8.2 mln. (7.2%) di Afl. 113.5 mln. pa Afl. 121.8 mln y a wordo causa principalmente door di un subida di Afl. 10.5 mln. (44.7%) den e seccion “Perlanan real y otro tipo di piedranan precioso”.

Importacion pa e area liber di Aruba* pa “Companianan grandi”**
 Importacion pa “Companianan grandi”, den peso, a subi cu 0.9 mln. kg (3.7%), di 23.8 mln. kg den di cuarto kwartaal di 2021 pa 24.7 mln. kg den di cuarto kwartaal di 2022 y a wordo causa principalmente door di un subida di 0.6 mln. kg (2.4%) den e seccion “Productonan mineral”. Den balor, importacion pa “Companianan grandi”, a subi cu Afl. 25.6 mln. (55.1%) di Afl. 46.5 mln. pa Afl. 72.1 mln y a wordo causa principalmente door di un subida di Afl. 13.9 mln. (43.9%) den e seccion “Productonan mineral”.

Exportacion total

Exportacion total, den peso, a registra un caida di 0.04 mln. kg (-0.5%) den di cuarto kwartaal di 2022 (7.45 mln. kg) compara cu e mesun periodo di 2021 (7.48 mln. kg), mientras, den balor, ela subi cu Afl. 7.1 mln. (16.1%) di Afl. 44.3 mln. pa Afl. 51.4 mln.

Exportacion for di area liber di Aruba* (peso)

Exportacion for di e area liber di Aruba, den peso, a registra un subida di 0.04 mln. kg (0.8%) den di cuarto kwartaal di 2022 (5.12 mln. kg) compara cu e mesun periodo den 2021 (5.07 mln. kg). Dies (10) di e bintiun (21) seccionnan, a registra subida den exportacion den peso pa e area liber di Aruba. E subida den exportacion pa e area liber di Aruba (peso) a wordo causa principalmente door di un subida di 0.4 mln. kg (168.0%) den e seccion “Productonan alimenticio”. E caida mas grandi a wordo registra den e seccion “Metalnan comun y trabounan deriva”, cu un caida di 0.4 mln. kg (-14.3%).

Exportacion for di area liber di Aruba* (balor)

Exportacion for di e area liber di Aruba, den balor, a registra un subida di 5.8 mln. kg (46.7%) den di cuarto kwartaal di 2022 (Afl. 18.4 mln.) compara cu e mesun periodo den 2021 (Afl. 12.5 mln. kg). Nueve (9) di e bintiun (21) seccionnan, a registra subida den exportacion den balor pa e area liber di Aruba. E subida den importacion pa e area liber di Aruba (balor) a wordo causa principalmente door di un subida di Afl. 3.8 mln. (214.8%) den e seccion “Metalnan comun y trabounan deriva”. E caida mas grandi a wordo a registra den e seccion “Productonan kimico”, cu un caida di 0.8 mln. kg (-35.6%).

Exportacion for di e area di Zona Franca di Aruba

Exportacion for di e area di Zona Franca di Aruba, den peso, a registra un caida di 0.1 mln. kg (-3.2%) den di cuarto kwartaal di 2022 (2.3 mln. kg) compara cu e mesun periodo den 2021 (2.4 mln. kg) y a wordo causa principalmente door di un caida di 0.1 mln. kg (-2.6%) den e seccion “Productonan alimenticio”. Den balor, exportacion for di e area Zona Franca di Aruba a subi cu Afl. 1.3 mln. (4.0%) di Afl. 31.8 mln. pa Afl. 33.0 mln. y a wordo causa principalmente door di un subida di Afl. 1.3 mln. (4.3%) den e seccion “Productonan alimenticio”.

*Area liber di Aruba: tur bienes cu ta drenta y sali di e teritorio economico di Aruba, excluyendo Free Zone **E termino companianan grandi ta referi na: Valero, Arugas, Web, Elmar y Setar.