Oficina Central di Estadistica ta presenta e resultadonan principal di e cifranan di importacion y exportacion, promer kwartaal 2023.

Importacion total

Importacion total, den peso, a registra un aumento di 3.3 mln. kg (2.0%) den e prome kwartaal di 2023 (163.5 mln. kg) compara cu e mesun periodo den 2022 (160.2 mln. kg), den balor, ela subi cu 94.3 mln. (16.7%) di Afl. 565.1 mln. pa Afl. 659.4 mln.

Importacion pa e area liber di Aruba* (peso)

Importacion pa e area liber di Aruba pa e prome kwartaal di 2023, a subi cu 2.9 mln. kg (1.9%) di 158.0 mln. kg na 2022 pa 161.0 mln. kg na 2023. Durante e periodo aki diesun (11) di e bintiun (21) seccionnan, a registra aumento den importacion den peso pa e area liber di Aruba.

E aumentonan mas grandi a wordo registra den e seccionnan “Metalnan comun y trabounan deriva” 1.2 mln. kg (30.9%), “Productonan mineral” 1.2 mln. kg (1.2%) y “Ekiponan di transporte” 1.0 mln. kg (65.6%).

E caidanan mas grandi ta den e seccionnan “Productonan alimenticio” -0.6 mln. kg (-3.9%), “Palo, carbon y materialnan di palo” -0.6 mln. kg (-21.2%) y “Diferente tipo di articulonan fabrica” -0.5 mln. kg (-25.8%).

Importacion pa e area liber di Aruba* (balor)

Importacion pa e area liber di Aruba pa di promer kwartaal di 2023, den balor, a subi cu Afl. 87.2 mln. (16.3%) di Afl. 535.8 mln. na 2022 pa Afl. 623.0 mln. na 2023. Durante e periodo aki diesnuebe (19) di e bintiun seccionnan, a registra aumento den importacion den balor pa e area liber di Aruba.

E aumento den importacion pa e area liber di Aruba (balor) a wordo causa principalmente door di aumentonan di Afl. 18.0 mln. (68.6%), Afl. 12.6 mln. (18.2%) Afl. 9.6 mln. (23.2%) den e seccionnan “Ekiponan di transporte”, “Productonan alimenticio” y “Productonan mineral”, respectivamente.

E unico dos caidanan a wordo registra den e seccionnan “Objetonan di arte, piezanan di coleccion y antiguedadnan” Afl. -2.2 mln. (-48.4%) y “Palo, carbon y materialnan di palo” Afl. -1.8 mln. (-26.3%).

 

Importacion pa e area di Zona Franca di Aruba

Importacion pa e area di Zona Franca di Aruba, den peso, a registra un aumento di 0.3 mln. kg (14.1%) den di promer kwartaal di 2023 (2.5 mln. kg) compara cu e mesun periodo den 2022 (2.2 mln. kg) y a wordo causa principalmente door di un aumento di 0.3 mln. kg (14.0%) den e seccion “Productonan mineral”.

Den balor, importacion pa e area di Zona Franca di Aruba a subi cu Afl. 7.2 mln (24.4%) di Afl. 29.3 mln. pa Afl. 36.5 mln y a wordo causa principalmente door di un aumento di 6.9 mln. kg (24.0%) den e seccion “Productonan alimenticio”.

E importacion (pa e area liber di Aruba) menciona anteriormente ta e resultado di Importacion via Lama y Importacion via Aire, cual tawata tin e siguiente desaroyonan:

1. Importacion pa e area liber di Aruba* via Lama

Importacion via di lama pa e area liber di Aruba, den peso, a registra un aumento di 2.9 mln. kg (1.9%) den di promer kwartaal di 2023 (160.2 mln. kg) compara cu e mesun periodo den 2022 (157.3 mln. kg) y a wordo causa principalmente door di aumento den e seccionnan “Metalnan comun y trabounan deriva” (1.2 mln. kg, 31.3%) y “Productonan mineral” (1.2 mln., 1.2%).

Den balor, importacion via di lama pa e area di liber di Aruba a subi cu Afl. 75.5 mln. (17.3%) di Afl. 436.6 mln. pa Afl. 512.1 mln. y a wordo causa principalmente door di aumento di respectivamente, Afl. 18.0 mln. (71.6%) y Afl. 12.9 mln. (19.3%) den e seccionnan “Ekiponan di transporte” y “Productonan alimenticio”.

 

2. Importacion pa e area liber di Aruba* via Aire
 Importacion via di aire pa e area liber di Aruba, den peso, a registra un aumento di 0.01 mln. kg (1.4%) den di promer kwartaal di 2023 (0.75 mln. kg) compara cu e mesun periodo den 2022 (0.74 mln. kg) y a wordo causa principalmente door di un aumento di 0.02 mln. kg (26.2%) den e seccion “Makinaria y ekiponan electronico (nobo y renoba)”.

Den balor, importacion via di aire pa e area di liber di Aruba a subi cu Afl. 11.7 mln. (11.8%) di Afl. 99.2 mln. pa Afl. 110.8 mln y a wordo causa principalmente door di un aumento di Afl. 6.6 mln. (36.6%) den e seccion “Perlanan real y otro tipo di piedranan precioso”.

Importacion pa e area liber di Aruba* pa “Companianan grandi”

Importacion pa “Companianan grandi”, den peso, a subi cu 2.6 mln. kg (11.7%), di 22.5 mln. kg den di promer kwartaal di 2022 pa 25.2 mln. kg den di promer kwartaal di 2023 y a wordo causa principalmente door di un aumento di 2.6 mln. kg (12.1%) den e seccion “Productonan mineral”.

Den balor, importacion pa “Companianan grandi”, a subi cu Afl. 10.8 mln. (18.3%) di Afl. 59.0 mln. pa Afl. 69.8 mln y a wordo causa principalmente door di un aumento di Afl. 8.2 mln. (24.5%) den e seccion “Productonan mineral”.

Exportacion total

Exportacion total, den peso, a registra un aumento di 0.5 mln. kg (6.4%) den e prome kwartaal di 2023 (7.7 mln. kg) compara cu e mesun periodo di 2022 (7.3 mln. kg), mientras, den balor, ela subi cu 8.5 mln. (22.1%) di Afl. 38.5 mln. pa Afl. 47.0 mln.

 

Exportacion for di area liber di Aruba* (peso)

Exportacion for di e area liber di Aruba, den peso, a registra un aumento di 0.3 mln. kg (4.9%) den e prome kwartaal di 2023 (5.5 mln. kg) compara cu e mesun periodo den 2022 (5.2 mln. kg). Diestres (13) di e bintiun (21) seccionnan, a registra aumento den exportacion den peso pa e area liber di Aruba. E aumentonan mas grandi ta den e seccionnan “Productonan alimenticio” 0.6 mln. kg (196.5%), “Materialnan pa fabricacion di papel y materialnan di papel” 0.4 mln. kg. (38.1%) y “Makinaria y ekiponan electronico (nobo y renoba)” 0.3 mln. kg. (690.7%).

E caidanan mas grandi ta den e seccionnan “Obranan di piedra, gips, cement of asbest” -0.6 mln. kg. (-74.2%), “Metalnan comun y trabounan deriva” -0.3 mln. kg. (-13.2%) y “Ekiponan di transporte” -0.1 mln. kg. (-82.8%).

Exportacion for di area liber di Aruba* (balor)

Exportacion for di e area liber di Aruba, den balor, a registra un aumento di Afl. 2.1 mln. (15.7%) den e prome kwartaal di 2023 Afl. 15.5 mln. compara cu e mesun periodo den 2022 (Afl. 13.4 mln. kg). Diesdos (12) di e bintiun (21) seccionnan, a registra aumento den exportacion den balor pa e area liber di Aruba. E aumentonan mas grandi ta den e seccionnan “Metalnan comun y trabounan deriva” Afl. 1.0 mln. (39.1%), “Productonan alimenticio” Afl. 1.0 mln. (155.0%)” y “Cuero di animal y otro materialnan di cuero” Afl. 0.7 mln. (1,727%).

E caidanan mas grandi ta den e seccionnan “Ekiponan di transporte” Afl. -1.7 mln. (-96.1%), “Productonan kimico” Afl. -0.5 mln. (-32.6%) y “Obranan di piedra, gips, cement of asbest” Afl. -0.2 mln. (-72.6%).

Exportacion for di e area di Zona Franca di Aruba

Exportacion for di e area di Zona Franca di Aruba, den peso, a registra un aumento di 0.2 mln. kg (10.1%) den di promer kwartaal di 2023 (2.3 mln. kg) compara cu e mesun periodo den 2022 (2.1 mln. kg.) y a wordo causa principalmente door di un aumento di 0.2 mln. kg (10.5%) den e seccion “Productonan alimenticio”.

Den balor, exportacion for di e area Zona Franca di Aruba a subi cu Afl. 6.4 mln. (25.4%) di Afl. 25.2 mln. pa Afl. 31.6 mln. y a wordo causa principalmente door di un aumento di Afl. 6.4 mln. (25.7%) den e seccion “Productonan alimenticio”.