ROTTERDAM – Na 2018 un cantidad record di 73.000 kilo di cocaina a keda intersepta den hafnan di Hulanda y Belgica.
Na 2017 tabata trata di alrededor di 54.000 kilo. Criminalnan di sur y centro Amerika ta haci tur posibel pa drenta Europa segun polis. Hulanda ta keda wordo uza principalmente como pais di transito.
E aumento den importacion di droga ta principalmente debi na e facilidadnan cu Hulanda ta ofrece. Traficantenan ta prefera haci uzo di e liñanan di transporte Hulandes. Hulanda tin un bon infrastructura y criminalnan ta probecha di esaki. Banda di esaki polis a informa cu cada bes ta drenta lotenan mas grandi Hulanda.
Algun aña pasa tabata trata di un carga di 500 kilo. Actualmente ta trata di miles di kilo. Hopi ta bay Alemania tambe. Minister di Husticia Grapperhaus kier atende e traficacion di droga hopi serio. El a constata anteriormente cu criminalidad combina cu traficacion di droga ta afecta y drenta comunidad bou di ciudadanonan.
Recientemente investigadonan di academia di polis a bisa cu Hulanda ta central di Europa pa loke ta trata produccion y traficacion di droga. Ta trata di droganan sintetico, pero tambe cocaina, cannabis y heroina.
