(NLTimes) – Un implanta di cerebro cu ta permiti persona cu problema visual percibi figura atrobe ta den proceso di test cu cientificonan na e Miguel Hernandez University de Elche na Spana, e University of Utah na Merca, y e Dutch Brain Institute.

E prome persona cu a ricibi e implanta aki ta un muhe di 57 aña di edad yama Bernardeta Gomez, ken a sufri di un desorden di nervio cu a causa cu el a perde su bista 116 aña pasa. Esaki ta e prome tecnologia di su tipo cu a keda aplica na un persona ciego.

E implanta ta un plato cu ta contene 96 electrodo cual ta conecta na un par di bril actuando como un retina artificial. Ora cu e dispositivo ricibi stimulacion electrico, Gomez tabata por a reconoce figuranan diferente y diseno tambe. E muhe te hasta tabata por a hunga un version simplifica di un wega riba computer, Pac-Man. Na momento cu e implanta a keda desconecta di sistema, su vision a bolbe bay completamente.

Gomez a ricibi e implanta 3 aña pasa. “Nos no tabatin speransa di mir hopi progreso den e prome 3 luna cual tabata e fase inicial di e estduio, y pa e motibo ey mi a insisti pa esaki ser extendi,
“ el a conta El Pais. “Ta na e momento ey cu mi a cuminsa percibi varios cambio den intensidad. Mi tabata por mira cosnan manera payet luminoso, y mientras cu e parametro tabata keda varia, mi tabata mira nan den diferente forma, angulo, intesidad y tamaño.

E cientificonan a activa e electrodonan un pa un mientras cu Gomez su cerebro tabata custuma na e sistema. “Nan a haci e sistema mas compleho y mi a cuminsa mira baranan largo, vierkant, y despues mi a logra cuminsa diferencia e formanan. Mi tabata por a mira y diferencia e cara di un ser humano y e cara di un cacho,” el a bisa.

Mientras experimento a progresa, el a desaroya un averahe di exito di 100 porciento ora di identifica forma y diseño. Durante e di 6 y ultimo luna di e experimento, e tabata por a identifica e leternan C, L, O y V mas o menos 70% di e biahanan cu solamente 16 di e electrodo activa.

“E tabata un gran experiencia, mi no tin palabra pa por describi saki,” el a argega. E cientificonan no ta sigur dicon nan no por a logra pa e mira mas cu e 4 leternan.

E Journal of Clinical Investigacion a publica detayenan tocante e estudio. Pa e sistema por a practico, e sistema lo mester a keda desaroya den un manera portatil y cu datonan wireles. Pa mehora e vision mas di loke e ta mehora awo, un plato cu mas di mil electrodo lo ta necesario.

Gomez tabata contento cu e por a participa den e experimento, te hasta si e restauracion parcial di su vision tabata solamente temporal. “E tabata hopi cla pa mi persona cu mi no tabata bay recupera mi bista, pero mi ta sinti un satisfaccion personal hopi grandi, y esey ta mi compensacion.”