Siman pasa un delegacion chikito di International Monetary Fund (IMF) a haci un bishita di cortesia na Aruba. Dr. Bonato y sr. Di Vittorio cu ta forma parti di e delegacion a bishita Aruba ya cu otro aña lo tuma luga e evaluacion bi-anual di IMF atrobe.
E bishita di cortesia aki a clausura diabierna cu un encuentro hunto cu Minister di Financia, Angel Bermudez den compania di sra. Jane Semeleer, presidente di Banco Central. Dr. Bonato a comparti varios observacion cu el a haci durante e dianan cu IMF tabata na Aruba, caminda e instituto a delibera cu diferente instancia riba nos isla. Minister Bermudez a expresa cu e bishita tabata uno hopi ameno y mientras tanto Aruba lo keda pendiente pa e evaluacion di otro aña.
