Gobierno a pone mey miyon florin extra disponibel pa Imelda Hof por sigui apoya muchanan cu ta bira victima di abuso sexual of negligencia. E instancia lo ricibi 3.137.700 florin
E suma di 3.1 miyon florin a keda aproba den tratamento di presupuesto 2017 y ta disponibel entrante januari binidero. E siman aki minister encarga, Paul Croes a firma varios decreto legal pa asina hunto cu su colega di Financia aloca e fondonan necesario pa Imelda hof.
Minister Croes ta bisa cu lo bay tuma mas trahado den servicio pa asina garantisa un miho cuido pa e muchanan. Di e manera aki specificamente esunnan cu ta traha contra abuso di mucha, ta wordo fortifica.
