(Neurosciencenews)—Investigadonan recien a cuminsa haya mas logro den e comprendemento di neuropsicologia cu ta subraya diferente subtipo di depresion, cual por acelera e desaroyo di miho tratamento. Pero ainda falta basta pa ser descubri. Awo, un estudio nobo den revista Psikiatria Biologico ta identifica varios subtipo di Malesa Depresivo Mayor (MDD) uzando imagennan di celebro.
John Krystal, MD, editor di Psikiatria Biologico, a bisa di e trabou: “Nos tabata sa caba cu enfermedadnan manera MDD ta hopi heterogeneo. E estudio aki den un muestra grandi di pashent depresivo ta provee resultadonan cu por ser persigui den distincion di subtipo di depresion a base di testnan di ‘functional magnetic resonance imaging (fMRI),’ cu ta midi e grado di coordinacion den henter e regionnan di e celebro, cual tambe ta conoci como conectividad funcional.
E investigadonan a uza fMRI colecta for di varios clinica for di un grupo grandi di mas cu 1.000 pashent cu MDD y mas cu 1.000 hendenan saludabel (HC). E estudio a uza e modelo normativo, cual ta uza data di un poblacion di referencia grandi pa cuantifica desviacion individual, similar na grafiek di crecemento uza pa pediatranan.
E investigadonan a examina e conectividad funcional den e regionnan di celebro y a mapa desviacion funcional individual den e pashentnan cu MDD compara cu e pronostico normativo aki sobre tur duracion di bida.
Autor mayor Mingrui Xia, PhD, for di Beijing Normal University, a bisa: “E metodo aki a resulta den e identificacion di dos subtipo neuropsicologico reproducibel cu ta exhibi diferente patronchi di desviacion, puntonan di elemento depresivo y previsibilidad di tratamento longitudinal.”
Un subtipo di pashentnan a mustra desviacion positivo severo—indicando un aumento den conectividad di celebro—den un netwerk standard, y areanan bao di e schors, y desviacionnan negativo den e sensoriomotor y areanan di atencion.
E segunda subtipo di pashent a inclui un patronchi mas light y contrario di desviacion, subrayando e naturalesa heterogeneo di depresion na un nivel neuropsicologico.
E autornan ta specula cu e actividad altera por ta relata na e tendencia pa pensa hopi den hendenan cu MDD.
E trabou aki ta particularmente emocionante, pasobra e ta move e tereno di experto den e direccion di busca biomarcanan, of marcanan biologico, di depresion, cual actualmente ta depende riba sintomanan clinico di pashent pa diagnosis, tratamento y pronosticonan. Biomarcanan por ofrece un manera pa mehora tur e aspectonan di e tratamento pa MDD.
