Ijs ta colapsa den East antarctica aunke a asumi cu e region ta stabil

(AP) – Ijs di tamano di New York City a colapsa na East Antarctica, un area cu tin hopi tempo stabil y cu a duna e impresion cu cambio di clima no a afecta e area hopi, cientificonan preocupa a bisa diabierna.

E colapso, captura pa imagennan di satelite, a marca e prome biaha den historia humano cu e region a mira un colapso. El a pasa den e comienso di un tempo caluroso siman pasa unda cu temperatura a bira te hasta 40 grado celsius mas cayente di lo normal den algun parti di East Antarctica. Potretnan di satelite a mustra cu e area tin tempo ta disminui rapidamente e ultimo añanan recien, y awo cientificonan ta dudando si nan a sobreestima e stabilidad di e region aki y su resistencia na calentamento global cu tin tempo caba ta smelt e ijs rapidamente.

E ijs, cu ta mas o menos 12000 kilometer cuadra grandi, cu ta wanta e Conger y Glenzer glaciar di e awa cayente, a colapsa entre maart 14 y 16 segun e cientificonan di ijs Catherine Walker di Woods Hole Oceanographic Institute. El a bisa cu cientificonan nunca no a mira esaki pasa den e parti aki di e continente, haciendo cu esaki ta bira un evento preocupante.

“E Glenzer Conger presumadamente tin miles di aya aki y nunca mas e lo ta aki,” University of Minnesota su cientifico di ijs Peter Neff a bisa.”

E problema no ta e cantidad di ijs perdi den e colapso aki, Neff y Walker a conta conhuntamente. E ta mas tanto un preocupacion pa motibo di unda esaki a tuma luga.

Neff a bisa cu e ta preocupa cu loke a asumi anteriormente tocante East Antarctica su stabilidad no ta corecto. Y esaki ta importante pa motibo cu si e awa congela na East Antracta melt, cual ta un proceso largo di miyones di aña, e lo subi e nivel di awa den oceano globalmente cu mas di 160 pia. Esaki ta mas di 5 biaha e cantidad di ijs den e region di West Antarctica, unda cu cientificonan a concentra mayoria di nan investigacion.

Helen Amanda Fricker, Co-director di Scripps Polar Center na Universtiy of California San Diego a bisa cu investigadornan mester pasa mas tempo ta mira den e parti aki di e continente. “East Antarcita a cuminsa cambia. Tin un perdida grandisimo cu ta tumando luga,” Fricker a bisa. “Nos mester sa con stabil cada un di e ijsnan den e region aki ta pa motibo cu na momento cu un disparce e ta nifica cu e glaciar ta melt den e awa y parti di e awa aki ta bini San Diego y otro partinan di mundo.”