(AP) — Grupo Hyundai Motor y LG Energy Solution a anuncia diahuebs cu nan ta bay traha un planta di baterianan electrico di $4.3 biyon como parti di planta nobo di asamblea di vehiculo electrico di Hyundai na sureste di Georgia.
E companianan ta bay parti e inversion, y produccion ta cuminsa na fin di 2025. CEO di Hyundai Motor Co., Jaehoon Chang, a bisa den un declaracion cu e planta di baterianan lo “cria un fundeshi fuerte pa lidera e transicion global pa vehiculonan electrico,” splicando cu e compania ta desea acelera esfuersonan pa produci vehiculonan electrifica di Hyundai y Kia na Norte America.
“Grupo Hyundai Motor ta enfoca riba su esfuersonan di electrificacion pa sigura un posicion di liderazgo den e industria global di auto,” Chang a bisa.
E automobilista Koreano a bisa na 2022 cu ta bay inverti $5.5 biyon pa asambla vehiculonan electrico y baterianan na Ellabell, un tiki west di Savannah. E sitio ta plania di tin 8.100 empleado y ta plania pa cuminsa produccion di vehiculo na 2025.
Garrison Douglas, un vocero di gobernador Republicano Brian Kemp, a bisa cu e planta di baterianan cu ta crea espacio pa 3.000 trahado lo ta parti di e total di 8.100 trahadonan y e inversion di $4.3 biyon lo ta parti di e total di $5.5 biyon cu a keda anuncia anteriormente.
E planta di Hyundai/LG ta plania pa por suministra baterianan pa 300.000 vehiculo electrico pa aña, cual ta e produccion inicial di e proyecto di e planta di asamblea di vehiculo. Hyundai a bisa cu e planta di Georgia por crece despues y traha 500.000 vehiculo pa aña.
“Esaki ta exactamente loke nos a pensa ora Georgia a gana e Hyundai Metaplant na mei di aña pasa, y e proyecto aki ta e ultimo paso importante den caminda di Georgia pa bira capital di vehiculo electrico di e nacion,” Kemp a bisa den un declaracion.
Ademas di e planta di asamblea y baterianan, proveedornan di partinan di auto a priminti pa inverti mas di $2 biyon y contrata 4.800 persona den e region rondona di e sitio di Hyundai.
E anuncionan ta parti di un careda di e tereno di vehiculo electrico y baterianan na Merca. Segun e Ley di Reduccion di Inflacion di e pais, vehiculonan electrico mester ser asamblea na Norte America, y un porcion specifico di nan partinan di bateria y mineral mester bini for di Norte America of un partner di comercio liber pa cualifica pa un credito fiscal VE di $7.500 completo.
Actualmente, no tin vehiculo di Hyundai of Kima cu ta eligibel pa e credito fiscal aki, cu e excepcion di si ta huur nan. Hyundai a conta cu nan no kier exclui vehiculo cu ta wordo traha na otro pais, entre otro pasobra nan ta trahando fabricanan na Merca. Kemp a sostene e posicion aki, pero e senador Democratico Jon Ossoff ta bisa cu Hyundai mester warda te ora nan ta traha vehiculonan localmente, cu baterianan traha na Merca.
“Ora esakinan ta ser produci na Georgia, nan por cualifica pa e criticonan aki pa medio di incentivonan den IRA,” Ossoff a bisa na un conferencia di prensa online diahuebs mainta. “E incentivonan di manifactura aki ta atrae y acelera miyones di dollar den inversion den trabou y capacidad di produccion di energia avansa y vehiculo electrico aki na estado di Georgia.”
LG a bisa cu esaki lo ta su di shete planta di baterianan cu ta den operacion of bou di construccion na Merca, splicando cu nan ta concentra riba esfuersonan pa expande produccion den e pais, un ehempel di con incentivonan federal ta trece fabricantenan.
Esaki ta e di dos planta grandi di baterianan electrico pa cual Hyundai ta forma partnership pa traha na Georgia. Hyundai y SK On, un unidad di SK Group di Sur Korea, a anuncia den december cu nan lo inverti hunto $4 biyon te $5 biyon pa traha un planta nobo na noordwest di Atlanta cu lo suminstra baterianan electrico pa vehiculonan electrico di Hyundai y Kia cu ta ser asamblea na Merca. E planta aki, na Cartersville, ta plania pa cuminsa produccion na 2025 y lo tin 3.500 empleado desplega pa esaki.
Hyundai lo tin mester di baterianan pa mas cu solamente vehiculonan cu ta ser traha na Ellabell. E compania ya ta asamblea vehiculonan electrico na su planta na Montgomery, Alabama, y a anuncia na april cu nan lo cuminsa asamblea su SUV grandi electrico Kia EV9 na e planta di Kia na West Point, Georgia.
Participacion cu LG y SK tambe lo diversifica e base di proveedornan di Hyundai, dunando e automobilista mas cu un fabricante di baterianan for di cual nan por cumpra.
Pasobra e planta di baterianan ta parti di e compleho di Hyundai, Douglas a bisa cu no lo tin incentivonan adicional cu lo ser ofrece.
Estado di Georgia y gobiernonan local ya a priminti $1.8 biyon den reduccion di belasting y otro incentivonan. Esaki ta e pakete di subsidio mas grandi cu un estado di Merca a yega di priminti na un planta di auto, segun Greg LeRoy, director di Good Jobs First, un grupo den duda cu subsidionan na companianan priva.
