Recientemente riba invitacion di gerente general di Hyatt Minister Dangui Oduber a haci un site visiti pa mira e inversion di e pool pa adulto cu a wordo haci.
Minister Dangui Oduber a keda masha impresiona cu e pool aki, uno masha luhoso y cu ta cumpli cu e standard halto di calidad cu semper Hyatt Regency a sa di ofrece.
E inversion aki ta demostra confianza den maneho di turismo, confianza den nos gobierno y confianza den nos economia.
Hyatt Regency ta keda inverti den upgrading di nan hotel y asina aki tambe conforme nan planning a haci un inversion di $10 miyon den un pool specialmente pa adulto. E pool aki ta conta cu private cabanas, diferente “amenities” y lo crea 28 cupo di trabou adicional.
Minister Oduber su maneho ta dirigi riba turistanan di calidad, turistanan afluente y pa por atrae e turistanan aki ta importante pa no solamente gobierno haci inversionnan den e producto Aruba sino hotelnan tambe keda haci inversionnan continuo den nan propiedadnan.
Un felicitacion ta bay pa gerencia, staf y personal di Hyatt cu e bunita Proyecto aki cual sigur lo ta un balor agrega pa e turistanan cual lo bay haci hopi bon uso di dje.
