(DutchNews.nl) – Huur den mercado no regula di vivienda na Hulanda ta den aumento atrobe despues di reduccion durante ultimo aña, segun e ultimo reporte di kwartaal di e plataforma Pararius.
Den averahe, huur pa contract nobo a aumenta cu 2.5 porciento compara cu un aña prome, y a aumenta na tur cinco ciudad Hulandes grandi – Amsterdam, Rotterdam, Den Haag, Eindhoven y Utrecht. Na Amsterdam, unda huur fuera di e sector di huur controla a mira reduccion di 7 porciento den segundo kwartaal, e prijs di un meter cuadra a aumenta cu 1.6 porciento na 22.44 euro – of un averahe di 1,485 euro pa un apartamento di 65 meter cuadra.
Prijs tabatin e mayor aumento – ocho porciento – na Eindhoven, hibando un contract nobo pa un apartamento di 65 meter cuadra na 965 euro. Na Utrecht, prijs di huur a aumenta cu 5 porciento, na Den Haag y Rotterdam cu 2 porciento.
E reduccion den prijs di huur durante ultimo aña tabata impulsa pa restriccionnan di biahe relaciona cu coronavirus cu a tene algun trahado internacional fuera di e pais, como tambe stop virtualmente tur huur relaciona cu turismo, Pararius a bisa.
Den algun caso, doño di cas a reduci prijs pa yena nan propiedad, pero awo cu a elimina casi tur restriccion di biahe, nan ta aumentando e prijsnan atrobe. “Nos a ripara un aumento enorme den e cantidad di solicitud di informacion y contacto mediante e version Ingles di nos website, pues ta solamente logico cu prijs di huur a aumenta den ultimo kwartaal”, hefe ehecutivo di Pararius, Jasper de Groot a bisa.
E escasez di vivienda cu ta cay fuera di sector regular – apenas 7 porciento di e mercado total – tambe ta yudando pusha prijs ariba, el a bisa. E enfoke politico actual riba aumento di suministro di vivienda social – cu un huur di menos di 752 euro – no ta bay cambia e situacion aki, De Groot a bisa.
