Na Marinierskazerne a tuma luga un ceremonia di huramento di 13 militar Arubano (Arumil).
Timon van Dishoeck, comandante y luitenant-kolonel der mariniers tabata tin e honor di e huramento aki, segun e comunicacion ricibi di Marinierskazerne.
Despues cu militarnan caba nan educacion y cumpli cu e rekisitonan, nan tin cu hura y duna na promesa. Na e ceremonia tambe tabata presente gobernador di Aruba, Alfonso boekhout, prome minister Evelyn Wever-Croes y Commandant der Zeemacht Caribisch gebied, brigadegeneraal der mariniers, Peter Jan de Vin. Den nan presencia y di famia-, colega y amigonan, e militarnan a huramenta.
E siguiente militarnan a huramenta: smjrmarar Dijkhof, sgtmarnar Werleman, sgtmarnar Kelly, kplmarnar Buera, kplmarnar Corvacho Benavides, kplmarnar Flanegin, kplmarnar Hodge, kplmarnar Isei, kplmarnar Maduro, kplmarnar Rudel, kplmarnar Teixera, kplmarnar Thiel y kplmarnar Trimon.
“Un solda ta representa lealtad, unidad, honor y e laso cu Defensa tin cu nos Cas Real. E huramento y promesa tradicional ta conta di tres elemento: leal na Rey, obediencia na ley y sumision na disciplina militar. Cu huramento y promesa, e solda ta indica cu e ta dispuesto pa pone e interes di su grupo na prome luga y no di su mes persona, y unda integridad y dedicacion ta uni inseparabel”, asina Marinierskazerne ta splica.
