(AP) — Un hurado na Oregon, Merca ayera a haya e compania di utilities PacifiCorp responsable pa causa candelanan devastador durante weekend di Labor Day na 2020, ordenando e compania pa paga decenas di miyones di dollar na 17 doño di cas cu a demanda, y hayando e culpable pa daño mas amplio cu por hiba e multa total na biyones.
E compania di Portland ta uno di varios propiedad di e conglomerado di inversion basa na Omaha, Nebraska, Berkshire Hathaway, propiedad di biyonario Warren Buffett. E doñonan di propiedad, demandando den nomber di un clase di miles otro persona, a alega cu PacifiCorp negligentemente a faya di corta coriente na su 600mil cliente durante un tormenta di biento, a pesar di advertencia di gobernador e tempo ey, Kate Brown su chief-of-staff y oficialnan top di bombero, y cu su wairanan di coriente tabata responsable pa varios candela.
No a determina un causa oficial pa e candela di Labor Day, cu a mata nuebe persona, a kima mas di 4,856km2 na Oregon, y a destrui mas di 5mil cas y structura. E candela hunto tabata un di e pio desasternan natural den historia di Oregon.
Den un declaracion por escrito, abogadonan di e demandantenan a yama e decision historico y a bisa cu ta “habri caminda pa potencialmente biyones di dollar den mas daño pa e miembronan di e clase.”
PacifiCorp inmediatamente a bis cu ta bay apela.
