(AP) – A condena un ladron cu a horta un w.c. di oro for di un palacio Ingles. Tambe a condena su complice, ken a yud’e saca e ganashi pa e arte di oro cu ta segura pa mas di 6 miyon dollar.
Michael Jones a usa e w.c. unico y completamente funcionando mientras e tabata reuni informacion na Bleinheim Palace – e pais su mansion unda lider Britanico Winston Churchill a nace – e dia prome cu e robo, segun fiscalnan. El a describi e experiencia como uno “grandioso.”
El a bolbe riba dia 14 di september den 2019, cu por lo menos 2 otro hende homber arma cu herment pa ehecuta e robo. Nan a kibra un benta y a kita e w.c. for di su posicion dentro di 5 minuut, lagando un inundacion na su luga mientras nan tabata scapa den vehiculo horta. “Esaki tabata un robo descabeya cu a plania cautelosamente y a ehecuta,” fiscal Shan Saunders a bisa. “Sinembargo esnan responsabel no tabata suficientemente cauteloso, lagando un caminda di evidencia den forma di DNA, imagen riba camara di seguridad y data riba telefon.”
E w.c. nunca a keda recupera pero ta kere cu a corta esaki y bende.
E piesa di arte di satira, titula “America” pa artista Italiano Maurizio Cattelan, tabata haci bofon di rikesa den exceso. E balor di e oro na e tempo aki tabata 3.6 miyon dollar.
E arte tambe anteriormente tabata na The Guggenheim Museum na New York. E museo a ofrece e trabao na President Mericano Donld Trump durante su prome termino despues cu el a pidi pa presta un pintura di Van Gogh.
Jones, di 39 aña, ta condena di robo den Oxford Crown Court.
James Sheen di 40 aña a plania e robo, y anteriormente a declara su mes culpabel na robo, conspiracion y transferencia di propiedad criminal. Sheen despues a traha cu Fred Doe pa yega na un acuerdo pa por saca placa di e robo, fiscalnan a splica. Den un serie di mensahe, Sheen tabata referi na e piesa horta como un “auto,” pero en realidad e tabata papia di e oro.
