![Florida Legislature Disney](https://www.bondia.com/wp-content/uploads/2023/03/Hunta-nobo-pa-Disney-World-di-DeSantis-ta-insinua-controversia-den-futuro_result-696x463.jpg)
(AP) — E prome reunion di e hunta nobo di gobierno di Walt Disney World – remodela pa legislacion amplio firma pa gobernador Republicano, Ron DeSantis a trata cu e sorto di asunto cu cualkier gobierno municipal lo trata: yamado pa miho ekipo pa bombero, les riba solicitud di documentonan publico, y rating di bono.
Pero e cinco miembro di e hunta nombra pa DeSantis a insinua ayera riba accionnan controversial cu nan por tuma den futuro, incluyendo prohibicion di restriccionnan di Covid-19 na Disney World y recomenda eliminacion di dos ciudad cu a keda crea despues cu e Legislatura di Florida na 1967 a aproba e autonomia di e parke resort.
E hunta tambe a aproba pa contrata e mesun bufete legal cu a conseha e oficina di e gobernador pa haci cambio na e districto pa yuda interpreta e legislacion nobo.
Den su mayoria, e miembronan nobo di e hunta a scucha den un ballroom di un hotel pafo di Disney World mientras miembronan di e publico y trahadornan di departamentonan di e districto a splica kico nan ta haci.
Martin Garcia, e presidente nobo di e hunta, a bisa cu e mayor distincion entre e hunta anterior controla pa Disney y esun nobo nombra pa DeSantis ta bay ta un districto electoral mas amplio consistiendo di mas cu un solo compania, representando na su lugar tambe e trahador y residentenan di comunidadnan rond di dje.
“Boso no a eligi nos, pero pueblo di Florida a eligi un gobernador cu a nombra nos,” Garcia a bisa. “Mi ta mira cu ta bay tin representacion hopi mas amplio.”
E otro miembronan di e hunta nobo pa loke a keda batisa como e Districto di Supervision di Turismo di Central Florida ta inclui Bridget Ziegler, un miembro conservador di hunta escolar y esposa di presidente di partido Republicano na Florida, Christian Ziegler; Brian Aungst Jr., un abogado y yiu di ex-alcalde Republicano di Clearwater; Mike Sasso, un abogado; y Ron Peri, cabesante di ministerio The Gathering USA. Nan ta reemplasa e hunta cu tabata controla pa Disney durante e 55 aña anterior cu gobierno a opera como e Districto di Mehoracion Reedy Creek.
E cambio nobo ta bay rekeri un logo nobo pa reemplasa esun bieu cu ta riba 123 vehiculo, 300 bar’i sushi y e mil cobertura di pozo, segun administrador di e districto, John Classe a bisa e hunta.