Un cantidad di Hunta Regional di Salud (GGD) a skirbi na Minister di Asunto Economico, Erik Wiebes, advirtiendo pa e tene consideracion di e impacto cu politica di cambio climatico por tin riba salud.
Plan pa construi mas planta di energia di biomasa, como tambe planta solar y di biento, lo tin un efecto riba ser humano, pero e ministerio di Salud no ta involucra den e combersacion, e huntanan ta bisa. “Nos sa for di investigacion, cu hende cu ta biba cerca di planta di biento ta experimenta problema cu e zonido”, Consehero di Hunta di Salud, Arthur van Iersel a bisa AD. “E estado mester tuma esaki den consideracion.”
E zonido crea pa pump di calor – cual gobierno ta spera lo reemplasa e sistema di keintamento tradicional – ta otro problema, pero no tin condicion vincula na e zonido cu nan por haci den e guianan.
E preocupacion mas grandi pa e GGD ta centra riba uzo di biomasa den planta di electricidad. E luna aki, investigadonan Europeo a publica un reporte cu a demostra cu kima palo den planta di electricidad no ta un opcion sostenibel. Otronan a expresa preocupacion tocante e subsidionan enorme aloca pa desaroya mas planta di biomasa.
“Nos mester sa kico precies ta nan impacto riba salud”, Van Iersel a bisa. “Nos tin experiencia limita cu nan, nos no sa suficiente tocante nan emision y unda esaki ta termina.”
