(NLTimes) – E hunta di e fraccion di Amsterdam di e partido pro-diversidad BIJ1 a retira. Tin racismo dentro di e partido, nan a enfrenta problema cu e liderazgo nacional di e partido y tabatin fraude den e lista di candidato pa e eleccionnan municipal, segun e hunta a bisa na e miembronan di BIJ1 via un e-mail, segun AT5 a reporta.
E hunta expresa cu nan ta lamenta cu nan no a papia den momentonan critico. “Nos ta lamenta profundamente cu nos no a actua ora cu tabatin un chens considerabel cu fraude a tuma luga durante e miembronan su reunion cu a establece e lista pa e Conseho di e ciudad. Nos no kier a influencia e campaña di manera negativo, causando cu nos no a actua. Mirando atras, esaki tabata incorecto.”
Segun e hunta, tin un comportamento “racismo y misogeno specificamente na hende muhenan di color scur” den tur parti di e partido. “Liderazgo di hende color scur no te reconoci, e no ta balora y hopi biaha tin oposicion na esaki,” e hunta a skirbi. “BIJ1 su lucha contra racismo actualmente ta mas enfoca riba e mundo externo. Nos no ta suficientemente al tanto cu tin racismo contra hende color scur dentro di e partido.”
E hunta tambe a expresa cu nan no ta contento cu e liderazgo nacional di e partido. “Nan no a actua adecuadamente, y na mesun tempo, nan a purba influencia e procesonan di tuma decision local di manera cu no ta democratico,” nan a comenta den e e-mail.
Segun e hunta, e partido nacional a rechasa nan escogencia pa president nobo y a nombra un persona cu no tabata den e Conseho di e ciudad di Amsterdam ainda.
