(LaPatilla) – Gobierno di Chile mester pone un fin na deportacion masivo di Venezolanonan por medio di un ley di migracion y sigura cu tur deportacion cumpli cu derecho internacional di derechonan humano. Asina Human Rights Watch (HRW) a señala diaranson ultimo.
Mediante un documento, e organisacion a señala un cantidad di violacionnan grave di derechonan fundamental di migrantenan Venezolano deporta, manera impedimento di accede yamada telefonico, abogadonan, deportacionnan sumario den weekend y separacion di famianan, entre otro.
Despues di analisa 21 sentencia hudicial y mas di 250 ordennan di deportacion, e organisacion internacional a identifica violacionnan na e proceso debido, incluyendo e derecho pa wordo scucha y pa presenta prueba prome cu concretisa deportacion.
E tribunalnan na Chile a demostra cu hopi Venezolanonan cu kier a scapa e crisis devastador den nan pais a wordo deporta sin proceso debido, asina violando principionan fundamental di derecho internacional. Asina director pa las Americas di HRW Jose Manuel Vivanco a indica den su documento.
Den e mesun liña Vivanco a apunta cu a resulta contradictorio cu gobierno di Sebastián Piñera a condena cu e abusonan di Venezuela mientras a ignora e derechonan di e Venezolanonan, poniendo nan bidanan den peliger.
Ta estima cu na Chile ta residencia cerca di 1.4 miyon migrante, ekivalente na 7% di e poblacion, y te na e momento aki e comunidad Venezolano ta esun mas grandi cu 457 mil persona.
HRW a señala cu e ehecutivo Chileno a anuncia deportacion di 1500 persona rond di 2021 riba 15 vuelo charter y cu segun e Servicio Jesuita Migrante (SJM) pa april di 2021 a deporta 294 persona. Den mayoria caso sin control hudicial, afectando primordialmente Venezolanonan.
E maneho aki di gobierno ta estableci den un ley unda ya caba ta somete migrantenan cu tin antecedente penal, pa nan cumpli nan castigo nan pais y tambe pa esnan cu ta drenta clandestinamente y cu ta haya nan mes sin status regular di estadia.
