Diamars atardi trahado y pasaheronan di Aeropuerto Internacional Princess Juliana (PJIA) a ser evacua di e terminal, despues di scucha un zonido di alarma di candela.
Bomberonan a yega aeropuerto pa yuda, mientras cu e bomberonan di aeropuerto a cuminsa busca unda tin cualkier candela den e edificio. Despues di un investigacion cuidadoso, e bomberonan a descubri cu un microwave a keinta y esaki a haci cu e detector di huma a cuminsa zona.
E Departamento di Bombero a duna aeropuerto luz berde banda di 3pm y asina nan por a drenta e terminal bek. Pasaheronan a experencia un dia largo pa motibo di inconveniencia.
E Director Ehecutivo di PIJA, Brina Mingo, a gradici personal di bombero pa a responde asina lihe, pa asina garantisa e siguridad di e pasaheronan, mediante di ehercicio di protocol di evacuacion di siguridad.
