CARTAGENA – Un Hulandes di 54 aña naci na Heino a wordo mata diasabra cu a pasa pa pirata nan na Colombia. Segun polis lokaal, 6 homber a purba di horta su zeilboot cerca di Islanan Rosario, un archipielago Caribeño dilanti e costa di Cartagena. E casa di e señora mes tabata den banjo ora cu tur cos tabata pasando, y niun daño no a yega na dje. Segun reportero di e corant El Tiempo na Colombia, e señora a haya un golpi na cabes fatal. E pirata nan a horta 60 euro di e pareha, pero a laga tur obheto nan valioso atras riba e boto di 10 meter. E homber despues a yama polis Colombiano ora a descubri locual a pasa.
UPDATE:
Polis nan Colombiano ta investigando e caso aki paso ta notable cu e storia di e meneer no ta klop mucho bon. E ta bisa polis cu e tabata riba WC ora cu e “pirata” nan a subi abordo y knock e out, y e no ta corda mas, pero solamente di lanta y a haya su casa morto. Ta remarcable cu tabata tin joyas, camara, y cosnan mas valioso cu nan no a bay cune pero solamente 60 euro. Y cu tambe e region caminda cu e boto tabata, no ta uno conoci pa pirateria. Na prome instante e homber a duna informacion fout, bisando nan tabata otro caminda mientras cu no tabata asina. E pareha ta conoci di “vaar” rond den nan boto fe 2014, y nan a sali fe Antillas pa asina bai Colombia. Investigacion ta andando y sperando cu lo tin mas informacion pa pone claridad riba e situation aki.
