(NLTimes) – Den respuesta na un potret di un manifestacion pro-Palestina, lider di PVV, Geert Wilders a post riba X cu mester expulsa “dat tuig” for di Hulanda. “Y Halsema por bay cu nan,” e lider di PVV a bisa tocante alcalde di Amsterdam, Femke Halsema.

Dialuna, a aresta un total di 320 manifestante na Amstedam.

Alcalde di Utrecht, Sharon Dijksma a defende su colega riba rednan social. El a haci un yamado pa Gabinete distancia su mes di declaracion di Wilders. “Mi ta hay’e completamente iresponsable cu Geert Wilders ta haci e declaracion aki contra nos colega Femke Halsema y contra nos como sirbido publico cu ta haci nan trabao di buena fe dentro di e limitenan di estado di derecho,” Dijksma a skirbi. “Esaki ta mina autoridad di alcaldenan y ta completamente fuera di proporcion.”

Dialuna, e aniversario di e atake terorista di Hamas contra Israel a keda conmemora riba Dam Square na Amsterdam, entre otro lugar. Un contra-demostracion pro-Palestina tambe tabata permiti den e area bao cierto condicion.

Halsema a bisa cu contra-protesta ta cay bao di e derecho fundamental pa manifesta, suficiente cerca cu por ser mira y scucha pa e meta di nan manifestacion. “Si bo ta di acuerdo of no: esaki ta e reglanan cu nos a acorda na e pais aki. Tanten cu e ta pacifico.”

Segun Dijksma, tur partido den Parlamento mester “para pa estado di derecho y nos libertadnan constitucional.” El a bisa cu alcaldenan ta busca un balans pa esaki cada dia y cu ley ta liderando den facilita manifestacion. “Hasta ora e ta conduci na hopi emocion.”

Manifestacionnan na Amsterdam a bay for di man y riot polis a interveni, arestando alrededor di 320 persona. Alrededor di 300 manifestante pro-Palestina a keda aresta pa no cumpli cu e regulacionnan di e Ley di Manifestacion Publico. E otro 20 a keda aresta durante dia pa “tur sorto di ofensa” manera insulto of tira klapchi. No ta cla si nan tabata pro-Palestina. A transferi nan na un compleho di cel, y no ta conoci cuanto di nan a keda den custodia durante anochi.

Den un declaracion, Halsema a insisti riba e derecho fundamental pa manifesta, pero cu mester sucede dentro di e marco y limite di ley. De lo contrario, autoridadnan ta bay interveni. “Desafortunadamente, esey tabata e caso awe,” e alcalde a bisa.

El a yama e incidentenan cu a sucede dialuna, manera “deliberadamente busca confrontacion cu otro manifestantenan of polis, blokea tram, y no sigui instruccionnan di autoridadnan” como di un “orden completamente diferente y inaceptable.”

Halsema tambe a reporta cu e conmemoracion di e victimanan di e “atake brutal y violento di Hamas” un aña pasa “por a procede pacificamente y sigur, cu excepcion di algun interupcion breve.” Segun Halsema, tabata “un dia carga y emocional, specialmente pa residentenan Hudiu di Amsterdam.

Potret di Trouw.