(NLTimes)—E vocabulario di muchanan chikito a sufri hopi durante e pandemia di coronavirus, segun investigadornan di Utrecht Universiteit den un estudio pidi pa e municipalidad di Utrecht. Muchanan chikito awor sa menos palabra compara cu e pandemia, segun AD ta reporta.
Investigadornan Caroline Junge y Anika van der Klis a usa data for di e estudio YOUth, un iniciativa di Utrecht Universiteit y UMS Utrecht, pa compara e vocabulario di muchanan jong na 2015 cu esnan den 2023. Nan a descubri un deterioro claro.
“Esaki ta un resultado preocupante,” van der Klis a conta AD, agregando cu nan no tabata sorprendi. Muchanan tabatin menos contacto cu otro hende durante e pandemia, e investigadornan a splica e causa. “Despues mi a descubri cu muchanan tabata haya menos contexto tambe,” Junge a agrega. “Durante e coronavirus, dierenpark tabata cera, biblioteca tabata cera. Tabatin menos oportunidad pa practica palabra cu bo yiu.”
Muchanan lo mehora nan vocabulario mas despues den bida, pero e palabranan ey tambe ta esencial durante e añanan di toddler. “E desaroyo social-emocional di muchanan ta importante. Nan ta siña hopi durante nan prome añanan. Nan ta bay scol pa prome biaha, cera amistadnan, siña resolve problema. E ora bo mester palabra,” van der Klis a bisa.
Segun investigadornan, hopi mayor no ta realisa cu nan yiunan ta kedando atras pa loke ta e cantidad di palabra cu nan ta siña. “Mayornan mes no ta hopi consciente di kico nan yiu por haci,” van der Klis a splica. Nan a duna algun medida concreto di con mayornan por yuda desaroya e vocabulario di nan yiu. Junge: “Tur cos ta yuda, tanten cu bo yiu tende e lenguahe. Bay pafo cu nan. Papia cu nan y puntra pregunta. Mustra envolvimento. Bo no ta kere con hopi mayor ta trece nan yiunan scol mientras cu nan ta bistiendo headphones.”
E municipalidad di Utrecht tambe ta tumando medida pa aumenta e vocabulario di toddlernan. E ciudad ta bahando e edad pa cuminsa kleuterschool for di 2.5 pa 2 aña na cierto sitionan. Dokternan hubenil ta bishitando mayornan cu conseho y informacion, boluntarionan ta lesa buki den voz halto, y bibliotecanan y clinicanan di cuido di mucha tambe a cuminsa enfoca riba e desaroyo di lenguahe.
