Tur forma di sex sin permiso awo lo ta clasifica como violacion na Hulanda, despues di critica riba un propuesta di legislacion introduciendo ‘sex contra e boluntad di un persona’ como un ofensa diferente cargando un castigo mas leve.
Minister di Husticia Hulandes, Ferd Grapperhaus inicialmente a inclui e ofensa pasobra den ley Hulandes actual, violacion ta solamente violacion si por proba violencia of forsa den corte. Esaki no semper ta posibel pasobra victimanan ta freeze, tin demasiado miedo pa resisti, of ta droga. Mientras ta castiga esnan cu actualmente ta saliendo liber, e ley di Grapperhaus lo considera casonan di e tipo aki como e ofensa separa di ‘sexo contra voluntad di un persona’, constituyendo un castigo di seis aña den prison na luga di 12.
Despues di ricibi critica di Amnesty International y parlamentarionan di tur color, Grapperhaus awo lo elimina e rekisito di prueba di violencia of forsa, cu ainda lo conta como un circunstancia agrava y resulta den un castigo mas halto. Den su luga lo bin un ‘limite mas abao’. Un persona cu bay door cu actonan sexual mientras e sa cu esakinan no ta bonbini a base di señalnan (no) verbal, lo ta ‘culpabel di violacion’.
“E limite aki lo reduci e nivel pa haci sex sin permiso castigabel pa ley y lo amplia e cantidad di situacion den cual victimanan por reporta violacion. Prueba adicional, manera evidencia laga riba curpa di un persona, imagen of mensahenan di WhatsApp por sostene e acusacion di un victima”, Grapperhaus a bisa parlamentarionan. E propuesta di legislacion adapta ta spera di ser presenta pa consulta na cuminsamento di december.
