(NLTimes)—Desconfiansa den gobierno ta actualmente e fuente principal di polarisacion entre hobennan, segun trahadonan di cuido hubenil a bisa den dos estudio encarga pa e Ministerio di Asunto Social na Hulanda.
E estudionan a ser conduci pa e Instituto Verwy-Jonker y e Instituto Hubenil na Hulanda. E investigadonan a tene entrevistanan cu 39 profesional, mayoria di nan trahadonan den cuido hubenil, y a puntra nan pa completa un encuesta. Hobennan den contacto cu e trahadonan aki mayoria bes ta enfrenta mas problema compara cu otro hobennan. E trahadonan a describi nan, en general, como frustra, desespera y pesimista tocante e futuro. Y hopi biaha nan ta tira culpa riba gobierno pa nan situacion.
E restriccion di coronavirus, cual a afecta hobennan en particular, a causa basta desconfiansa. Pero segun trahadonan den cuido hubenil, e pobresa cu ta aumentando, e scandal di prestacion pa cuido infantil, crisis di clima, listanan di warda pa cuido medico, deficit den vivienda, y e politica di asilo tur ta factornan cu ta contribui den nan dessatisfaccion.
E trahadonan den ambos estudio a puntra pa mas conocemento pa asina yuda combati e aumenta di pensamento anti-gobierno. Nan kier pa municipionan envolve nan mas den comatiendo polarisacion.
