(NLTimes)—Un organisacion di crisis nobo awo ta den luga y ta cla pa tuma cargo dentro di 48 ora den e ocasion si un otro pandemia plama na Hulanda manera na 2020. “Nos a pensa cu nos tabata bon prepara e tempo ey, pero pa ta honesto, nos no tabata,” segun Minister di Salud Demisionario Ernst Kuipers a bisa na e lansamento di e Landelijke Functie Opschaling Infectieziektebestrijding (LFI).
“Nos ta spera cu nos no experencia un crisis manera Covid atrobe, pero nos mester ta mas prepara pa e posibilidad di un otro pandemia,” Kuipers a continua. Na 2020, e respuesta tabata pa interveni lo mas pronto posibel cu organisacionnan existente. E organisacion GGD GHOR a hunga un rol grandi den e maneho di crisis. “Pero nos ta un organisacion pa crisis, nos a stap den e rol ey pasobra tabata necesario,’ segun presidente André Rouvoet a splica.
Esaki mester cambia den futuro, manera e organisacionnan a expresa. Den e evento di un plamamento di malesa contagioso, LFI por tuma encargo riba un nivel nacional den areanan di test, vacunacion y investigacion di fuente y contacto. LFI tambe por monitoria y posiblemente prepara pa malesanan contagioso cu ta surgi globalmente.
LFI ta opera bao di e instituto di salud publico RIVM. E lansamento a tuma luga na e instituto di Bilthoven dialuna. GGD, GGD GHOR, RIVM y e Ministerio di Salud a establece conhuntamente e organisacion di crisis.
E Ministerio di Salud a anuncia na november cu 9 miyon euro adicional lo ser aloca pa e establecimento di LFI, cu un presupuesto anual di 10 miyon euro.
