(NLTimes)—E municipio di salud publico, GGD, tin preocupacionnan grandi tocante casi 1.300 di mas cu 15.000 centro di cuido y facilidad di estudio pa mucha na Hulanda, segun AD a reporta. E corant a investiga varios incidentenan recien, incluyendo dos den cual muchanan a muri.
Desde 2012, tur centro di cuido y facilidad di estudio pa mucha a ser asigna un codigo di color despues di un inspeccion di GGD: berde, geel, oranje y cora. Berde ta indica un centro cu tiki ofningun preocupacion, mientras cu cora ta nifica cu tin preocupacionnan grandi. GGD ta uza codigonan colorido pa determina e frecuencia y intensidad di inspeccionnan.
Figuranan cu AD a ricibi for di GGD a mustra cu e servicionan di salud tin preocupacionnan serio tocante 1.292 di e 15.315 localidad di cuido pa mucha na Hulanda. Esakinan a ser marca cu color oranje of cora. Tin diferencia significante entre regionnan. Na Flevoland, casi un tercer di e 608 centro den total tin un codigo oranje of cora. Den e region di Gooi en Vecht, e porcentahe na 20%, y na Zuid-Holland-Zuid, casi 15%. Na otro banda, Gelderland-Midden, Brabant-West y Haaglanden apenas tin localidadnan marca cu oranje of cora.
E organisacion GGD GHOR Nederland a conta AD cu localidadnan marca cora of oranje no ta automaticamente indica calidad malo. Segun e reguladornan, inspectornan ta uza codigonan di color como un sistema di planificacion, y e profielnan no ta diseña pa duna huicio. “Tin biaha, un inspector kier mas tempo pa un localidad. E ora e color ta indica e inversion di tempo.”
E grupo di interes pa mayornan den cuido infantil, BOinK, a expresa cu e splicacion aki no ta corecto. “E profielnan den riesgo ta basa riba hechonan, manera e reportahenan di inspeccion durante varios aña,” segun presidente di BOinK, Gjalt Jellesma. “E cantidad di incidentenan conoci ta conta pa solamente un pida chikito so. Nos a ricibi mas reportahe di situacionnan peligroso for di mayor- y empleadonan mes pa basta tempo caba. Nos tin un aña caba ta tahando tocante esaki.”
Deficit den personal y e uzo di empleadonan temporario ta e problema mas grandi, segun Jellesma. “Por ehempel ora un mucha core bay. Empleadonan vast conoci e muchanan y ta paga mas tino pa muchanan cu ta purba core bay. Cu mas empleadonan temporario, ta bira mas dificil pa controla miho.
Na Arnhem, un baby a muri na e cento De Toverbrucht na maart for di un “incidente medico”, cual supuestamente tabata ‘sudden infant death syndrome’ (SIDS). Dia 3 di april, un mucha di dos aña a hoga den un rooi na e centro ‘t Kraaltje y dia 18 di april, un helicopter a hiba un mucha na UMC Groningen despues cu el a cay den awa na e centro De Vlieger na Zwolle.
