(NLTimes)—Minister di Vivienda, Hugo de Jonge ta kere cu e por crea entre 80.000 y 260.000 cas adicional door di split casnan cu ya ta existi, construi mas piso riba edificionan existente, transforma oficina y fabricanan bashi, y door di hacie mas facil pa construi micro-hogar riba tereno di cas. Tambe e kier investiga mas pa haci compartimento di cas menos complica, NOS ta reporta.
“Specialmente awo cu construccion nobo ta experenciando mas dificultad, nos mester haci uso optimal di e deposito di casnan existente pa asina crea mas hopi espacio pa biba cu ta posibel,” De Jonge a skirbi den un carta pa parlamento.
E Minister di Vivienda ainda kier añadi 900.000 cas den e deposito di cas pa 2031, pero pa logra esaki a mustra di ta mas dificil cu a spera. Pa motibo di e problema di nitrogeno, construccion mester a slow down. E aumento den prijs di interes ta pone inversionistanan duda, y e aumento di costo di construccion ta haci cu casnan nobo ta demasiado caro. E minister tambe ta experenciando dificultad pa haya luga pa situa hogarnan temporario.
E practica di haci miho uso di casnan existente tambe ta mustra di ta complica, segun De Jonge a expresa den su carta. Traha piso extra—tambe conoci como “top-ups”—ta un bon manera pa agrega mas cas den un edificio, pero hopi biaha e municipio y localnan ta pleita contra e proceso.
Top-ups tambe por nifica construccion di casnan adicional riba e mesun tereno. De Jonge mas tanto na fabor di e ultimo variante. E ta kere cu por logra cu 100.000 di e manera aki, specialmente den casnan construi despues di 1965. E ta bay papia cu municipio y corporacionnan di hogar tocante flexibilisacion di reglanan.
De Jonge tambe kier hacie mas facil pa dividi hogarnan existente, specialmente den ciudadnan grandi. E ta kere e por crea 80.000 pa 160.000 cas nobo den e manera aki. Y pafo di Randstand, e kier mira con pa construi micro-hogar riba tereno di cas. Segun e minister, hopi hende kier provee acomodacion pa nan mayor- of yiunan di e manera aki, pero regulacion existente ta pone municipionan duda pa aproba propuestanan asina.
