(NLTimes)—Urologonan na Hulanda a tuma nota di un aumento den hende homber jong bao 30 aña pidiendo pa sterilisacion, NOS ta reporta despues di conduci un encuesta cu tur clinica di urologia den e pais. Aproximadamente un tercer a bisa cu nan a ripara cu mas hende homber jong kier sterilisacion pasobra nan no kier yiu. Frecuentemente nan ta usa e crisis climatico como un motibo. Un otro ta cu nan no kier duna nan gene pa via di condicionnan genetico.
Urologo Melianthe Nicolai ta conduci rond di 500 sterilisacion tur aña y regularmente ta mira hende homber jong den su clinica cu no kier yiu. “Un biologo di 29 aña a bin akinan recien, y e absolutamente tabatin algo contra mas hende riba Tera pasobra el a mira con hopi e ambiente tabata sufriendo pa via di humanidad. E djis no kier a contribui na esey,” el a conta e locutor.
E mayoria di hende homber cu kier e procedura ta entre 35 y 40 aña. E motibo ta varia. Mayoria tin e cantidad desea di yiu y kier kita e presion riba nan pareha pa asina nan no tuma anticonceptivonan hormonal mas.
Hende homber cu kier sterilisacion por bay na un dokter, hospital of clinica di specialista. Segun NOS, investigacion ta mustra cu aproximadamente 2 pa 6% di hende muhe ta arepenti e procedura mas despues. Aproximadamente 11% di hende homber cu a haya e procedura bao di 25 aña ta arepenti. E liñanan di guia pa urologo tambe ta bisa cu hende homber soltero tin mas chens di arepenti sterilisacion mas despues.
