(CuraçaoChronicle) – E paspoort Hulandes ta e di 4 paspoort mas fuerte den mundo segun Henley Passport Index di aña 2023. Residentenan di Hulanda por biaha na 188 destino sin necesidad di visa cu nan paspoort Hulandes, segun Henley & Partners cual ta un agencia di conseho basa na London di ciudadania y residencia.
Hulanda ta den e mesun posicion cu e tabata aña pasa. Singapore tin e paspoort mas fuerte den mundo, cu 192 destino cu por bishita sin mester di un visa. Alemania, Italia y Spaña a keda den di dos luga cu 190 destino y Austria, Finland, Francia, Hapon, Luxembourg, Sur Korea y Suecia a keda den tercer luga cu 189.
Hulanda a empata e di 4 luga cu Dinamarca, Irlanda y Reino Uni. E bisiña Belgica a keda den di 5 luga. Na ultimo luga den e lista a keda mas tanto paisnan cu ta den medio di guera y/of conflicto manera Afghanistan, Iraq y Siria cual por bishita 27, 20 y 30 destino sin necesidad di visa respectivamente.
Henley & Partners tin tempo ta monitor e paspoortnan mas miho den biahe desde aña 2006 haciendo uso di data for di International Air Transport Authority. E indice aki ta inclui 199 paspoort diferente y 227 diferente destino pa bishita.
