(NLTimes) – 60 persona na Hulanda a test positivo pa e virus Monkeypox den simannan recien, segun e cifra mas recien publica riba diahuebs.
E siman prome, e cantidad tabata 40 caso. Tur pashent conoci te awo ta hende homber cu a tene relacion sexual cu otro persona masculino, segun National Institute for Public Health and Environment (RIVM) a bisa riba diahuebs.
Algun di e infeccionnan a ser descubri di ta parti di un brote na festival adulto Belgico yama Darklands. Sinembargo, autoridadnan di salud ta sigui enfatisa cu cualkier persona cu drenta contacto di cerca cu un persona infecta tin probabilidad halto di keda infecta tambe.
E virus, cual a origina na Africa, tin varios siman ta plama den paisnan Europeo. Riba dia 20 di mey el a ser reporta pa prome biaha cu un persona na Hulanda a keda infecta cu e malesa.
Personanan cu contagia cu e virus pa medio di contacto fisico cu un persona cu ta carga e virus. Ademas di e blaarnan riba e cuero, pashentnan por experiencia keintura, dolor di cabes, dolor di lomba y inflamacion. E curso di e malesa ta bastante leve, sinembargo si tin complicacion esaki por ta fatal.
