(NLTimes)—E cantidad di hende cu e malesa Parkinson’s na Hulanda a aumenta drasticamente den e ultimo decada. Dies aña pasa, tabatin menos cu 40.000 hende cu Parkinson’s of Parkinsonism (un condicion similar na Parkinson’s) na Hulanda. Awo tin 63.500, un aumento di 30%, segun AD ta reporta a base di un studia cu lo ser publica otro siman.
Segun e experto di Parkinson’s, Profesor Bas Bloem di Randboud Univeridad Centro Medico na Nijmegen, e aumento substancial ta debi na “exposicion na sushi den e medio ambiente,” manera pesticidanan ingerida via aire y cuminda. E poblacion anciano kisas ta hunga un rol, pero no uno decisivo, e ta pensa. “Tin ekibocacion cu esaki ta un malesa cu ta afecta solamente hendenan mas bieu. Un den tres pashent ta bao di 65 aña di edad, y tambe tin algun hende di 20 pa 30 aña cu tin e malesa aki. E pashent mas jong cu tin Parkinson’s tin 13 aña di edad; esaki ta hopi incomun, pero e sa pasa.”
Actualmente no tin ningun cura pa Parkinson’s. esnan cu tin e por experencia temblamento y tremornan incontrolabel, incontinencia y problema pa drumi. Funcionnan cognitivo tambe por ser afecta, y e malesa aki ta aumento e riesgo di demencia.
E Centro di Experto Parkinson’s na Radboudumc ta conduciendo varios estudio pa desacelera e malesa. Ta cla caba cu ehercicio intenso tres biaha pa siman por stabilisa e malesa, segun Bloem a conta e corant Hulandes, AD. Y tin corelacion entre sintomanan cu ta desacelerando y reduciendo stress y bebemento di koffie, aunke esakinan mester ser prueba ainda.
Segun Bloem, diagnosis trempan ta crucial, mirando cu esaki ta provee mas tempo y oportunidad pa desacelera e desaroyo di sintomanan via cambionan den estilo di bida. “Segun e ultimo perspectivanan, hendenan cu nos diagnostica tin biaha tabatin Parkinson’s pa 20 of 30 aña caba, Bloem a splica.”
