(NLTimes)—Diabierna Hulanda a elimina e delaster restriccionnan y avisonan oficial relata cu e coronavirus. Minister di Salud Ernst Kuipers a conta reporteronan despues di e reunion di e Conseho di Minister cu Cabinet a dicidi pa adopta e aviso presente pa e Outbreak Management Team (OMT) luna pasa. Miyon di hende a test positivo, y mas cu 46.000 a muri pa via di e infeccion.
“Afortunadamente, casi tur ciudadano Hulandes tin un forma di defensa den nan curpa awo,” Kuipers a declara, referiendo na e sistema di immuun cu ta wordo fortalesa pa vacunanan y infeccionnan den pasado. “Nos por considera coronavirus como un virus respiratorio normal,” Segun e minister.
Pa via di e decision aki, mas facilidadnan di test pa coronavirus opera pa e municipal di salud GGD lo cuminsa cera nan porta. Prome e aviso oficial di gobierno Hulandes tabata avisa hende uza un kit di self-test of pa bishita un facilidad di GGD pa haci test ora nan cuminsa experencia sintomanan di corona. E personanan ey tambe tabata avisa pa drenta cuarentena si nan test produci un resultado positivo pa un periodo di 5 dia y te ora sintomanan cuminsa calma pa un total di 24 ora, of te ora cu e di 10 dia di cuarenta pasa.
Pa un periodo di 10 dia, esnan cu a test positivo tambe a wordo avisa pa keda 1.5 meter for di otro persona, purba scapa contacto cu hendenan cu salud malo y pa keda sigui e liñanan di guia. Tambe nan a wordo avisa pa bisti mascara den publico. Pero e avisonan ey no lo wordo considera politica oficial mas. Ademas, trahadonan di cuido di salud no lo mester bisti mascara mas ora nan tin contacto cu pashent.
OMT a declara cu e coronavirus no lo mester wordo considera un pandemia mas, sino como un fase endemico unda cu e virus ta parti di bida normal awo. E avisornan di politica tambe a bisa cu hendenan mester uza nan senso comun ora nan desaroya sintomanan di corona, mescos cu ora nan haya griep of keintura. Ademas, nan no lo organisa mas rondo di vacuna pa coronavirus.
