(NLTimes) – Hulanda ta kere cu Union Europeo mester sanciona Iran pa suministro di drone di combate na Rusia. Sinembargo, pa motibo cu otro paisnan di Union Europeo kier mira evidencia prome, e bloke lo mester di mas tempo segun Minister Wokpe Hoekstra.
Ucrania a sufri dañonan pisa for di Rusia den e dianan recien. Parti di Rusia su asalto aereo a inclui e uso di drone Kamikaze cual aparentemente Rusia a cumpra for di Iran.
Hoekstra a bisa cu e sumamente preocupa pa cu e drone nan aki, cual a “causa e escenanan mas teribel na Ucrania.” Esaki ta e motibo dicon “mi a bisa cu e ta sensibel pa nos sanciona nan tambe.”
Pero no ta tur miembro di e union a yega na e punto aki, el a conclui despues di consulta cu su 26 colega. Nan a “keda di acuerdo cu mester investiga esaki y haya mas evidencia pa purba traha riba esaki tambe,” Hoekstra a bisa. Pa medio di tuma e paso adicional aki, e ta kere cu e lo sigura cu e miembronan di estado tur ta riba e mesun pagina.
E Minister tambe a bisa cu e paisnan di e Union Europeo a keda di acuerdo cu 500 miyon den arma lo ser entrega na Ucrania pa brinda sosten na nan esfuerzo den e guera. Adicionalmente, el a anuncia cu “EU Military Assistance Mission lo ofrece training militar na Ucrania basa riba e necesidad cu e Forsanan Arma identifica. Esaki lo brinda sosten na nan den nan resistencia na Rusia su agresion.
