(NLTimes)—Productornan Hulandes di cerbes a exporta mas cerbes den exterior compara cu e aña prome. E agencia estadistica Europeo, Eurostat, no ta provee un motibo pa e aumento, cual ta mas cu tercer. Produccion di cerbes den henter Union Europeo tambe a mira un aumento significante y ta yegando nivelnan pre-pandemico.
Te awo, Hulanda ta e pais exportado mas grandi den Europa. E 2.6 biyon liter ta cubri mas cu un kwart di e exportacion total pa Europa. Na 2021, productornan Hulandes di cerbes a produci un tiki menos cu 2 biyon liter di cerbes pa mercadonan den exterior. Belgica, cu 1.6 biyon liter, ta segunda pais exportado mas grandi, mas cu Alemania.
Productornan Aleman a produci e cantidad mas grandi di cerbes atrobe aña pasa, pero hopi di esaki a ser consumi den e pais mes. Nan produccion a yega na 7.6 biyon liter, contando pa mas cu un kinto di produccion total den UE. Spaña ta bin despues cu un tiki bou di 4 biyon liter, mientras cu Hulanda a sali na di cuater luga pa loke ta trata produccion. Den henter UE, casi 80 liter di cerbes pa capita a ser produci aña pasa.
Mientras tanto, ta parce cu e surgimento di produccion di cerbes no alcoholico a para temporariamente. Na 2021, productornan a produci 1.6 biyon liter di cerbes cu conteni di alcohol mas bao of sin alcohol. Esaki no ta nada compara cu produccion di cerbes regular, cual a surpara 34 biyon liter. Esaki ta representa un crecemento di 7% aña pa aña.
