(CuraçaoChronicle) – Hulanda ta bay ehecuta investigacion riba e efectonan di sosten financiero pa Corsou, Aruba y Sint Maarten. Secretario di Estado pa Relacionnan di Reino (BZK), Alexandra van Huffelen a anuncia esaki den un carta na Tweede Kamer.
Ta trata aki di e pago di debenan desde 2010, pero tambe contribucionnan incidental manera e resolucion di Giro Bank y e prestamonan na e islanan relaciona cu pandemia di coronavirus. Intencion ta pa e sosten duna e islanan mas independencia financiero. E ministerio awo kier investiga si e sosten tin e efecto desea.
E ministerio di Asuntonan Interno y Relacionnan di Reino hopi biaha ta haci investigacion riba e efectividad di politicanan, pero esaki ta e prome biaha cu ta examina sosten financiero.
