(NLTimes) – Gabinete Hulandes a confirma diaranson cu lo restringi exportacion di “tecnologianan hopi specifico den e ciclo di produccion di semiconductor.”

E decision aki ta impacta di manera directo e habilidad di gigante di tecnologia Hulandes ASML pa exporta productonan na China sin un licencia di exportacion specifico. E compania ta fabrica ekiponan hopi busca y hopi specialisa pa e produccion di chipnan pa computer.

Noticia tocante un trato entre Hulanda, Merca y Hapon pa restringi exportacion di e tecnologia di microchip na China ya caba a keda revela den januari. Hulanda awo lo pone restriccion riba e benta di sistemanan ultravioleta profundo cual ta print detayenan fini riba e microchipnan. E Gobierno Hulandes ya caba tin varios aña ta blokia e benta di e ASML su sistemanan ultravioleta. Actualmente, ASML ta e unico compania conoci mundialmente cu ta produci e sistemaman cu ta fabrica e litografia ultravioleta extremo, cual ta un desaroyo di nan sistema ultravioleta existente.

ASML a bisa den un declaracion cu nan hermentnan di litografia “mas avansa” ta afecta pa e controlnan di exportacion. Mirando cu e tecnologia pa crea semiconductor ta sigui desaroya, di mesun manera su impacto riba siguridad nacional y inernacional ambe ta sigui desaroya segun Minister Liesje Schreinemacher den un carta cu a manta na Tweede Kamer. E medida aki ta parti di e base cu e gabinete ta desaroyo pa controla e exportacion di tecnologia di semiconductor.

Schreinemacher a declara cu e meta ta di “preveni cu e productonan Hulandes lo contribui na un uso cu no ta deseabel, manera desaroyo militar of den armanan di destruccion masivo; Preveni dependencianan di termino largo strategico cu no ta desea y e mantenimento di e liderazgo tecnologico Hulandes.” Aplicacionnan pa e licencia di exportacion ta keda revisa “a base di cada caso individualmente, basa riba e 3 principionan aki?”

“Tambe ta logico cu Hulanda ta traha di cerca cu e comunidad di negoshi den establece e medidanan di control nacional. E ta importante pa e companianan sa exactamente unda nan ta para y cu nan mester adapta nan procesonan di negoshi pa cumpli cu regulacionnan nobo.”

Aunke ASML no a ser menciona den e carta pa nomber, Schreinemacher a señala specificamente e necesidad di proteha tecnologianan manera den litografia ultravioleta, e proceso usa pa crea circuitonan integra. “E tecnologianan aki, den combinacion cu otro tecnologianan avansa crea otro caminda, ta hunga un rol vital den e produccion di semiconductornan avansa,” el a skirbi.

ASML a bisa cu nan ta premira cu e lo tuma algun tempo pa crea e regulacion den ley Hulandes. “Basa riba awe su anuncio, nos ta premira cu e gobierno Hulandes su licencia di politica y e situacion di e mercado actual, nos no ta kere cu e medidanan aki lo tin un efecto material riba nos bista financiero cu nos a publica pa 2023 ni tampoco nos escenario pa termino largo di aña pasa,” e compania a comenta.

Hulanda tambe lo informa e Comision Europeo y estadonan miembro di Union Europeo tocante e medidanan pa asina nan por adopta restriccionnan similar. Sinembargo, e tecnologia cu ta restringi ta den uso na algun so pais mundialmente.