(NLTimes) – RIVM a registra 19,274 infeccion nobo di coronavirus entre diadomingo y dialuna mainta, kibrando e record di diahuebs ultimo cu casi 3mil caso. E cifra a keda revela den un actualisacion di datonan sin procesa, cu tambe a inclui informacion cu tabata falta di e reportenan di diasabra y diadomingo pa motibo di un eror di telecomunicacion na servicio di salud GGD.

Asina mes, e total nobo a pusha e averahe semanal ocho porciento na 14,563, e di cinco dia consecutivo cu a kibra un record nobo. A midi e averahe usando datonan sin procesa revela pa RIVM, e instituto di salubridad publico di Hulanda. Esaki a aumenta 39 porciento den un siman. Un combinacion di datonan sin procesa y corigi a pone e averahe na 14,527 despues di 46 dia consecutivo di aumento diario.

Casi un di cada cinco persona cu GGD a test a ricibi un diagnostico positivo durante e periodo di 7-13 di november. E cifra averahe tabata 19.2 porciento, kibrando un record di 18.5 porciento di october 2020. Alrededor di 21.9 porciento di esnan kende a registra nan resultado riba diasabra 13 di november, a haya sa cu nan tabata infecta cu e coronavirus, un record pa un solo dia.

Amsterdam a registra 925 infeccion nobo den e datonan nobo revela riba dialuna, casi dobel su averahe semanal. Su tras ta Rotterdam (468), Den Haag (428), Tilburg (305) y Utrecht (304). Un total di 39 municipalidad a reporta 100 infeccion nobo of mas.

Hospitalnan na Hulanda tambe tabata tratando 1,985 persona pa Covid-19, un aumento di 122 desde diadomingo atardi. E aumento aki di siete porciento a pone e total na su punto di mas halto desde dia 19 di mei, y ta inclui admision nobo, recuperacion, y morto. E cantidad di pashent a aumenta pa un cuarta parti den un siman. Un aumento similar lo pone e total na mas di 2,500.

“Y ainda no a alcansa e peak di e curva; Nos ta spera cu ta bay continua ascende”, segun lider di cuido intensivo, Ernst Kuipers a bisa durante un reunion di comite na Tweede Kamer ayera. “Den un siman nos ta bay tin 2,600 persona. Algun dia despues nos ta bay surpasa e peak di mas halto di ultimo winter, alrededor di 2,800 persona. Y ainda e aumento no a termina.”

E cifranan di pashent mas recien ta inclui 1,605 riba piso general, un aumento neto di 119. E otro 380 tabata den Unidad di Cuido Intensivo, un aumento neto di tres. Hospitalnan a admiti 244 pashent di Covid-19 entre diadomingo y dialuna tardi, cu 26 manda directamente den ICU.

Hospitalnan a admiti 1,660 persona cu e malesa durante ultimo siete dia. Esey tabata 20 porciento mas halto compara cu un siman anterior, tempo cu e cantidad di admision tabata 1,388. Admision den ICU tabata mas o menos igual, cu 203 pashent manda directamente den ICU e siete dia anterior, compara cu 195 den e periodo mas prome.

Kuipers a bisa cu un modelo anterior a sugeri cu Hulanda lo peak cu admisionnan di Covid-19 den hospital na januari na un maximo di alrededor di 150 pashent nobo cada dia. “Ya caba nos ta na 250 admision pa dia. Mi no ta tribi di bisa unda nos ta bayendo.”

E modelo anterior tambe a sugeri un cifra peak di 1,500 pashent di covid den cuido na dado momento na januari. “Ta mita november y ya nos ta na 2mil.”