(NLTimes) – Hulanda awo ta e lider mundial pa comercio di vehiculo electrico, segun un investigacion di organisacion di consulting y ingenieria, Arcadis.
Tin hopi modelo diferente di vehiculo electrico disponible na e pais, y e cuota di mercado di autonan electrico ta surpasando esun di autonan di gasolin y diesel.
Autonan electrico ta relativamente pagabel na Hulanda, un tin actualmente 183 modelo na benta. E pais aki tambe tin e infrastructura mas accesible pa recarga vehiculonan electrico cu gran potencial pa continua expandiendo den areanan residencial.
Maske e red di electricidad por yega na su capacidad na un velocidad algo rapido, e ta confiable, segun Arcadis ta reporta a base di su investigacion.
E estudio a tuma datonan for di Hulanda, Reino Uni, Irlanda, Spaña, Italia, Francia, Alemania, Canada, Australia, Singapore, Thailand, China, California y estado di New York na Merca. Carcadis ta kere cu alrededor di 54 porciento di tur benta di auto nobo ta bay ta modelonan electrico pa aña 2040.
Un transicion acelera na vehiculo electrico, hunto cu inversion riba energia limpi y tecnologia di bateria, ta critico pa reduci emisionnan di gasnan di invernadero y limita kentamento global, segun ehecutivo di Arcadis, Peter Oosterveer a bisa.
