(NLTimes) – National Heat Plan lo drenta den efecto awe na Hulanda, segun National Institute for Public Health and the Environment (RIVM).
E calor na Europa ta asina fuerte cu e por crea humedad fuerte y visibel den aire, personanan cu tin alergia pa esaki pro desaroya kehonan di salud pa causa di esaki. Pa motibo aki, ademas di e plan di calor, tambe lo tin un alerta pa cu esaki cuminsando for di dialuna.
RIVM a bisa cu e calor por causa problemanan di salud den varios grupo vulnerabel, manera personanan di edad avansa. Esaki por trata di sinti inconfortabel, fatiga, dolor di cabes y problemanan di concentracion pero tambe problemanan mas serio manera deshidratacion y ‘heat stroke’.
“E personanan di edad mas avansa ta e grupo mas vulnerabel, pa motibo cu nan ta menos habilidad di controla e temperatura di nan curpa y ta menos probabel di sinti sed” segun RIVM. Otronan tambe por tin problema, manera personanan cu tin condicionnan cronico, personanan cu ta socialmente isola, personanan sin vivienda, personanan cu ta sufri di obesidad, muchanan chikito incluyendo baby y peuter. “Calor extremo y algun otro condicionnan ambiental ta afecta tur hende, sinembargo e ta impacta gruponan vulnerabel di un manera mas fuerte.”
National Heat Plan ta nifica cu organisacionnan, profesionalnan y boluntarionan ta ser inmediatamente informa di e pronostico caluroso. E ora nan ta haya e autoridad di tuma accion y implementa medidanan pa proteha e gruponan vulnerabel.
