(NLTimes) – E diferencia den salario entre hende muhe y hende homber cu ta traha pa gobierno a disminui un poco, aunke te ainda hende homber ta gana mas. Den e sector di negoshi, e diferencia di salario a permanece igual na 2 aña atras, segun Statistics Netherlands (CBS) a reporta basa riba tarifa pa ora.
Cada 2 aña, CBS ta mira e estado di diferencia di salario entre e dos generonan na Hulanda. Awo ta mustra cu hende muhe bao empleo di gobierno a bini mas cerca na e salario di nan coleganan masculino. Sinembargo, nan pago pa ora ta permanece 2 euro menos cu hende masculino, cual ta igual na mas o menso 6 porciento. Dos aña pasa, esaki tabata 8 porciento.
Tiki a cambia den e dos añanan aki pa loke ta traha e diferencia aki den salario den e sector corporativo. Hende muhe ta gana 5 euro pa ora cual ta 19 porciento mas abao cu hende homber cu trabaonan comparabel, edad, experiencia y nivel di educacion.
Figuranan diferente ta aplica pa managernan. Den aña 2008, managernan femenino den servicio di gobierno a gana 3 euro menos cu managernan masculino. Segun CBS, e diferencia aki specifico a keda elimina. Den e mundo di negoshi, sinembargo, managernan femenino te ainda ta gana significantemente menos. Desde aña 2008, e diferencia aki a disminui cu solamente 1 euro pa ora, aunke te ainda nan ta gana 20 porciento menos cu nan coleganan masculino.
CBS tambe a mira e diferente tipo di contractnan pa prome biaha. Esaki a demostra cu e diferencia den salario entre muhe y homber cu un contract permanent ta mas significante cu esun entre e personanan cu un contract temporario. Esaki ta aplica na ambos empleadonan di gobierno y den e mundo corporativo.
E agencia di estadistica ta publica e figuranan aki un dia despues cu hende muhe a cuminsa traha practicamente sin ser paga. Segun e union di labor FNV, cu un diferencia di salario di practicamente 13 porciento, hende muhe ta efectivamente trahando gratuitamente pa e resto di e simannan cu ta resta den e aña aki compara cu hende homber.
