(NLTimes) – Atakenan cibernetico, posiblemente di hackernan Ruso, a cuminsa causa dificultad pa sitionan web di gobierno Hulandes riba diahuebs.
E sistema di corte Hulandes su website, Rechtspraak.nl, tabata experenciando un atake cibernetico unda no por duna servicio, tambe yama un DDoS. E website di e Senado Hulandes tambe tabata dificil di traha cune riba diahuebs. E atakenan aki a coincidi cu e bishita di e President di Ucrania Volodomyr Zelenskyy su bishita na e pais, unda el a papia cu representantenan di e parlamento Hulandes y a duna un speech na World Forum na Den Haag.
Desde diahuebs mainta, e sistema di e corte su website ta yena di trafico riba internet cual ta haci dificil pa otro usuarionan por conecta na esaki. E Conseho di e hudiciario a reporta cu e identidad di e persona cu a ehecuta e atake ta permanece desconoci y a bisa cu casonan den corte lo sigui cu normalidad.
E Conseho tambe a bisa cu nan lo entrega un reporte criminal tocante e incidente cu polis. Tambe nan ta preparando pa e posibilidad cu e atake aki por persisti pa varios dia. Vocero di e Senado Hulandes a bisa cu e problema a keda causa pa “overloading.” E centro nacional di siguridad cibernetico a comenta cu nan ta altanto di e incidente aki.
Segun e vocero, e incidente aki ta alinea cu e accion di “hacktivista” cu tin simpatia cu Rusia pero ta nenga di provee mas detaye. Hacktivismo ta referi na e acto di usa tecnicanan di hacking pa propositonan politico of social.
E agencia di siguridad cibernetico FalconFeeds.io a sugeri cu e atake riba e Senado su website por a ser lansa pa noNasme05716, un grupo di hacker cu ta relativamente desconoci. E hacktivistanan aki regularmente ta ehecuta atakenan digital contra oponentenan di Rusia. Durante un atake di DDoS manera esaki, e websitenan ta keda sobrecarga cu trafico, causando cu nan ta bira slow y acceso na esaki ta bira dificil. Por ehempel, luna pasa, e grupo aparentemente a lansa un atake contra e Senado Canades su website.
