(NLTimes) – A pasa un poco mas cu 1 aña desde cu ministerio di Educacion a prohibi celular den klas di scol secundario y scolnan ta notando un mehoracion.
Studiantenan ta mas social y mes distrai, Parool a reporta despues di papia cu varios scol den e region di Amsterdam.
“E momento incomodo den klas a bolbe,” Jeroen Bron, un docente di economia na Montessory Lyceum Amsterdam a comenta. “Anteriormente, e studiantenan rapidamente a gara nan celular ora cu tabata keto na comienso di e les. Awo nan tin cu papia cu otro. Di e manera aki, e momento social a bolbe.”
“Studiantenan ta cuminda otro den hang atrobe,” Hubert Roza, hoofd di Sint Nicolaaslyceum den e mesun bario a comenta. “Nan ta hunga futbol, crea musica, nan ta hunga cu otro. Nan ta interactua cu otro.”
Huseyin Asma, director di Metis Montessori Lyceum, a reporta un cambio den comportamento. “Diripente, tin mas studiante ta hunga wega di mesa, of basketball. Y mas cu tur cos, nan ta papia cu otro atrobe,” Asma a bisa. “Como un scol Montessori, nos ta pone responsabilidad riba nan pa papia entre nan. Mayoria di nan no mester ni ser bisa pa warda nan celular.”
Louki Maas, un docente Hulandes na Hervormd Lyceum Zuid, a ripara menos bullying awo cu ningun celular presente ta e normal nobo. “Studiantenan no por graba otro y manda imagen pa otronan durante pauze.” Maas tambe a reporta cu tin un aumento cla den e studiantenan su habilidad di concentra. “Simplemente nan ta disfruta di ta menos distrai. Awo cu ningun hende por usa nan celular, nan no tin FOMO (miedo di no participa den algo) pa motibo cu nan no ta e uniconan cu no por yega na nan celular.”
