(NLTimes) – Ministerio di Educacion a wanta 250 miyon euro for di scolnan basico den e di dos mita di 2022. E corte na Utrecht a tuma decision na fabor di scolnan cu a entrega un demanda contra esaki y a exigi e Minister di Educacion Primario y Secundario paga e cantidad.
E aña escolar di 2022 pa 2023 tabata un aña di transicion. Te cu e tempo aki, e scolnan tabata ricibi un cantidad pa aña escolar, sinembargo for di aña 2023, nan a ser paga pa aña di calendario. E Ministerio a calcula cu e scolnan a ricibi 34.55 porciento di e cantidad anual pa gastonan di personal te cu fin di aña, sinembargo segun e scolnan, esaki mester a ta 41.67 porciento. Mirando cu 5 luna di e aña ta involucra, e cantidad paga mester a ta 5/12 parti di e cantidad anual. E hues a keda di acuerdo cu e scolnan riba e punto aki.
222 autoridad di scolnan a trece e apelacion dilanti Corte Administrativo, argumentando cu nan a perde 250 miyon euro. E decision ta aplica specificamente na e directivanan escolar aki, cual ta crea un kwart di tur directiva escolar na Hulanda.
Minister Marielle Paul mester dicidi si e decision di corte tambe ta impacta e otro directivanan escolar. Un vocero pa e minister a bisa cu te ainda ta demasiado trempan pa duna un contesta definitivo. E mesun aki ta aplica na si Paul lo apela contra e decision of no. “El a tuma nota di e decision y lo examina esaki.”
Potret di NLTimes.
