(NLTimes) – Gobierno Hulandes ta demasiado amplio den su politica di presupuesto, reservando demasiado tiki palca pa lidia cu crisisnan den futuro y moviendo demasiado deficit financiero dilanti pa gabinetenan den futuro lidia cune. Raad van State a yega na e conclusion aki despues di a lesa e Voorjaarsnota 2023, cual ta e gobierno su actualisacion riba e presupuesto nacional. “Gabinete ta demasiado cerca di e rand,” Raad van State a expresa.
Tambe a menciona e 22 biyon euro cu e gobierno a reserva pa compensa e residentenan di Groningen pa decadanan di extraccion di gas y teremoto. E Gabinete a dicidi di haya mayoria di e placa aki via prestamonan, aumentando e debe nacional na luga di corta otro gastonan. “E pesonan aki lo keda pasa na e generacionnan futuro,” Consehero Richard van Zwol a splica segun NOS. Rutte IV a dicidi di laga e gabinetenan den futuro lidia cu esaki.
Raad van State ta preocupa cu ningun di e gobierno su accountantnan por bisa di unda e crecemento economico actual ta bini ni tampoco pa con hopi tempo Hulanda lo beneficia di esaki. E Conseho a urgi e Gabinete analisa esaki y crea un futuro pa e decada binidero. “Y no fragmenta pa minister, sino un storia coherente,” van Zwol a declara. “Con e mercado di labor ta desaroyando, ki facilidadnan colectivo nos tin mester, y cua ta e influencia di e politica di clima y clima en general?”
Raad van State tambe a critica e gobierno su politica di combati pobresa. E partidonan den e coalicion a keda di acuerdo pa disminui na mita e cantidad di muchanan cu ta biba den pobresa. Sinembargo Centraal Planbureau (CPB) ta premira cu e cantidad lo aumenta na 7.1 porciento proximo aña.
Thom de Graaf, vice presidente di Raad van State, a señala cu nan ta pidiendo gobierno pa tuma decisionnan politico fuerte pa motibo cu esakinan ta e topiconan esencial. “Desafortunadamente, esaki no ta prome biaha cu nos a pidi pa esaki,” el a declara.
