(NLTimes) – Gobierno Hulandes ta considerando e aumento di e prijs di paki di sigaria entre 30 pa 47 euro pa paki, segun fuentenan cerca di Gabinete a conta De Telegraaf.
Secretario di Estado di Salud Publico Maarten van Ooijen ta siguiendo Australia su ehempel, unda un paki di sigaria ta mas o menos 24 euro, sperando cu e prijsnan halto lo tin un efecto di desmotiva hende pa cumpra esaki.
Den Hulanda, sigaria actualmente ta costa mas o menos 8 euro pa paki. E gobierno Rutte IV kier aumenta esaki na 10 euro pa cada paki, segun e acuerdo di e coalicion.
Sinembargo Van Ooijen kier bay mas leu. Investigacion cientifico a demostra cu incentivo financiero pa stop di huma lo funciona solamente cu un aumento di prijs drastico. Segun un estudio recien conduci pa Maastricht University a demostra cu por ehempel, mita di personanan cu ta huma lo stop di haci esaki solamente ora cu e prijs di cada paki bira mas cu 60 euro.
E aumento di prijs masivo ta un paso den e gobierno su plan di yega na un generacion “liber di humamento” pa aña 2040, manera poni den National Prevention Agreeemnt 2018. Gobierno kier solamente 5 porciento di residentenan di Hulanda huma pa aña 2040. Actualmente, 20 porciento ta huma.
