(NLTimes) – Hulanda te ainda tin e tercer paspoort mas vaioloso na mundo segun Henley Passport Index pa aña 2024. Personanan Hulandes por bishita 1919 pais sin tin cu aplica pa un visa.
Henley Passport Index ta basa riba data for di International Air Transport Authority. E indice aki ta inclui 199 paspoort y 227 destino di biahe, otorga un pasporot un punto pa cada destino cu e por bishita sin tin cu aplica pa un visa. E conseheria basa na London tocante ciudadania y residenia global Henley & Partners ta mantene record y bista riba e paspoortnan mundialmente mas ‘travel friendly’ desde aña 2006.
Singapore tin e paspoort mas fuerte na mundo, cu e poder di bishita 195 pais sin mester aplica pa un visa of cualkier otro forma di aprobacion gubernamental. Francia, Alemania, Italia, Hapon y Spaña ta comparti e di dos luga cu 192 destino. Hulanda ta comparti e tercer posicion cu Austria, Finland, Ireland, Luxembourg, South Korea y Suecia.
Den aña 2022, e paspoort Hulandes a keda den di 4 luga cu 188 destino cu e por drenta sin mester di un visa, sinembargo ta sospecha cu esaki ta pa motibo cu den e aña aki varios pais ainda tabatin restriccion di biahe implementa despues di e pandemia di coronavirus.
