(CuraçaoChronicle) – E decision di gabinete Rutte pa retira 200 miyon euro for di Nationaal Groeifonds y haci esaki disponibel pa proyectonan na Corsou, Aruba y Sint Maarten a trece dilanti preguntanan, specialmente di parti di e partido VVD.

E miembronan di e fraccion VVD den parlamento a tuma nota di e carta unda a trata e implementacion di e provision den e acuerdo di coalicion tocante e disponibilidad di e hermentnan di financiamento di EZK pa henter Reino. E miembronan di VVD a lesa cu e fondonan di Nationaal Groeifonds lo ser transferi na e presupuesto di Ministerie van Binnenlandse Zaken en Koninkrijksrelaties pa asina financia proyectonan di e paisnan CAS.

Corsou, Aruba y Sint Maarten lo ricibi un total di 200 miyon euro cu lo ta disponibel pa nan. Si e prome alocacion di 100 euro ser surpasa cu propuestanan di calidad halto, un di dos asignacion di 100 miyon euro pro keda asigna.

E miembronan di e fraccion VVD a trece dilanti cierto preguntanan tocante esaki. Manera; Basa riba ki criterio e minister a dicidi cu 200 miyon euro ta un contribucion rentabel? Adicionalmente, e miembronan a puntra si e Minister por splica con e cantidad aki a keda determina y con nan ta relaciona na e recursonan disponibel den Nationaal Groeifonds pa Hulanda, ambos pa persona per capita y den termino di GDP pa pais.

Ademas, a puntra si e Minister pro indica e condicionnan cu lo evalua den un di dos alocacion pa determina si a cumpli cu e criterio desea?

E miembronan di e fraccion tambe a expresa na e Ministerio cu habri e Nationaal Groeifonds pa e paisnan CAS no ta legalmente posibel. Nan kier sa si a explora otro opcionnan apesar di aloca 200 miyon euro for di Nationaal Groeifonds. Si ta asina, nan ta pidi pa e Minister indica cua e opcionnan aki tabata y dicon nan no a ser scogi? Por ehempel, no a considera logra habri e Nationaal Groeifonds pa medio di permiti e institucionnan CAS participa den aplicacion conhuntamente cu e solicitantenan di Hulanda? Si no tabatin otro opcion, nan ta pidi pa e Minister splica dicon no.

E miembronan di e fraccion VVD kier sa si a evalua e capacidad di e paisnan pa absorbe un cantidad asina grandi di placa, tumando en cuenta e fondonan cu recientemente a haci disponibel pa nan. Adicionalmente, e miembronan di VVD a expresa cu e fondo aki a keda estabelci pa fortalese e capacidad sostenibel di Hulanda pa medio di inverti den proyectonan cu ta contribui na crecemento economico di termino largo. Considerando cu e paisnan CAS lo indirectamente ricibi placa for di e fondo aki, nan ta puntra ki criterio e paisnan aki mester cumpli di esunnan cu a impone pa e Nationaal Groeifonds.

Nan kier sa tambe con lo retira e fondonan aki; Solamente despues di aprobacion di e aplicacion of lo aloca e cantidad den un solo biaha? Y si e cantidad cu pidi ta menos di 100 miyon, e placa restante lo permanece den e fondo? E miembronan tambe a nota cu temanan prometedor a keda identifica pa e fondo aki.

Te na ki extento e metanan aki ta comparabel na Nationaal Groeifonds? E forma di financiamento a keda determina caba? Nationaal Groeifonds tin un structur di gobernacion specifico, unda ta evalua aplicacionnan bao condicionnan estricto y regulacionnan, despues di un proceso dedica. E minister por indica con e tin e intencion di establece e gobernacion aki?