(NLTimes) – Mas parlamentario kier permiti muchanan huerfano permanece den e cas di nan mayornan cu ta huur cas. Partidonan den e coalicion VVD y ChristenUnie, conhuntamente cu e partidonan di oposicion GroenLinks y BoerBurgerBeweging (BBB), a trece dilanti un proposicion cu lo permiti muchanan cu a perde nan mayornan sigui huur e cas te ora cu nan yega e edad di 28.
Corporacionnan di vivienda actualmente por extende contractnan di huur indefinitivamente pa familiarnan, pero nan no ta obliga pa haci esaki. Pa por preveni cu muchanan huerfano, ken segun e iniciadornan “hopi biaha ta caba na un shelter,” nan kier introduci Rent Protection for Orphans Act.
Segun parlamentario di partido VVD Daniel Koerhuis, a mira instancianan den añanan recien unda corporacionnan di vivienda a saca muchanan for di cas despues di e fayecimento di nan mayornan. “A causa di e reportahenan aki, mi a cuminsa lucha pa e muchanan aki,” Koerhuis a declara. El a agrega cu e ta lere cu e guianan actual cu no ta compromete y corporacionnan por scoge pa sigui of no, no ta suficiente.
“Keda huerfano so ta un situacion sumamente tristo,” Parlamentario di ChristenUnie Pieter Grinwis a splica. “Mi ta haya inaceptabel cu durante un periodo asina dificil, e muchanan ta ser forca pa sali for di e ambiente safe di nan propio cas y hopi biaha ta haya nan mes riba caya sin cas.”
GroenLinks y BBB ta di acuerdo cu esaki. Lider di partido BBB Caroline van der Plas ta considera cu ta lamentabel cu e legislacion ta rekeri, “apesar di tur e sufrimento, ta aparenta cu e corporacionnan mester un obligacion legal pa sigura cu nan lo actua cu humanidad basico.”
Tambe nan a admiti cu e cifranan no ta halto. Tur aña na Hulanda, un averahe di 205 hende hoben di entre 16 pa 30 aña di edad ta experiencia e perdida di ambos mayor. Entre nan, un averahe di 82 mucha ta biba den cas di corporacion di vivienda na e momento cu ambos mayor fayece.
